މިދިޔަ އަހަރު އޯލެވެލް ނިންމި ދަަރިވަރުންނަށް އަމާޒުކޮށްގެން ވިލާކޮލެޖުގައި ކެރިއަރ ގައިޑެންސް ޕްރޮގްރާމެއް ފަށައިފިއެވެ. މިއަދުން ފެށިގެން ހަތަރު ދުވަހުގެ މުއްދަތައް ކުރިއަށްގެންދާ ޕްރޮގްރާމް 24 ވާ ބުރާސްފަތި ދުވަހާ ހަމައަށް ކުރިއަށް ގެންދަން ހަމަޖެހިފައިވާކަމަށް ވިލާކޮލެޖުން ބުނެއެވެ. ވިލާ ކޮލެޖުން ބުނީ މި ޕްރޮގްރާމަގައި މައުލޫމާތުދެއްވާނީ ދާއިރާގެ ތަޖުރިބާކާރުން ކަމަށެވެ.
މި ކެރިއަރ ގައިޑެންސް ޕްރޮގްރާމް ކޮންމެ ދުވަހަކުވެސް 2:00އިން 5:00 އަށް ކުރިއަށްދާނެ ކަމަށް ވިލާކޮލެޖުން މައުލޫމާތުދެއެވެ. އަދި ކޮންމެ ކުއްޖަކުއައި ކަމުގައިވިޔަސް އެ ކުއްޖާއަށް އެންމެ އެކަށީގެންވާ ކެރިއަރެއް ޙިޔާރުކުރުމުގައި ޢިލްމީ ނަޒަރަކުން އެހީތެރިކަން ފޯރުކޮށްދޭނެކަމަށްވެސް އެ ކޮލެޖުން ބުނެއެވެ.
އަދި އޯލެވެލް ނިންމި ދަރިވަރުންނަށް ވިލާކޮލެޖުގެ ޖެނުއަރީ އިންޓޭކްގެ ފައުންޑޭޝަން ލެވެލްއާއި ސަރޓިފިކެޓް ލެވެލް އަދި ޕްރޮފެޝަނަލް ޕްރޮގްރާމްތަކުގައި ބައިވެރިވުމުގެ ފުރުސަތު ދިނުމުގެ ގޮތުން ކޯސްތަކުގައި ބައިވެރިވުމުގެ މުއްދަތުވަނީ އިތުރުކޮށްފައެވެ.