އަބޫދާބީގެ ނޭޝަނަލް އޮއިލް ކޮމްޕެނީ ޑިސްޓްރިބިއުޝަންގެ އެކްޓިންގ ސީ.އީ.އޯއާއި ފޮރިން މިނިސްޓަރ ބައްދަލުކުރައްވައިފި
އަބޫދާބީގެ ނޭޝަނަލް އޮއިލް ކޮމްޕެނީ (ޢެޑްނޮކް) ޑިސްޓްރިބިއުޝަންގެ އެކްޓިންގ ޗީފް އެގްޒެކެޓިވް އޮފިސަރ، އިންޖިނިއަރ ސަޢީދު މުބާރަކް އަލް-ރާޝްދީ އާއި މިނިސްޓަރ އޮފް ފޮރިން އެފެއާޒް ޢަބްދުﷲ ޝާހިދު ބައްދަލުކުރައްވައިފިއެވެ.
އަބޫދާބީގައި މިއަދު ބޭއްވުނު މިބައްދަލުވުމުގައި، ދެ ޤައުމު ދެމެދު ވިޔަފާރީގެ ދާއިރާއިން ގުޅުން އިތުރުކުމާއި، އެޑްނޮކްގެ ފަރާތުން ރާއްޖޭގައި އިންވެސްޓް ކުރެވިދާނެ ދާއިރާތަކާގުޅޭގޮތުން ދެ ބޭފުޅުން މަޝްވަރާކުރައްވާފައިވާކަމަށް ފޮރިން މިނިސްޓްރީން މަޢުލޫމާތުދެއްވައެވެ.
މި ބައްދަލުކުރެއްވުމުގައި މނިސްޓަރ ޝާހިދުގެ އަރިހުގައި ސްޓޭޓް ޓްރޭޑިންގ އޯގަނައިޒޭޝަންގެ ޗީފް އެގްޒެކެޓިވް އޮފިސަރ އާއި މެނޭޖިންގ ޑިރެކްޓަރ ޙުސައިން ޢަމްރު މުޙައްމަދު ރަޝާދު އާއި މިނިސްޓަރ އޮފް ފޮރިން އެފެއާޒްގެ ޑިރެކްޓަރ، ޢަބްދުލްވާރިޡް ސަޢީދު ބައިވެރިވެވަޑައިގެންފައިވެއެވެ.