20 ޓީމާ އެކު ބަސީރު އެކަޑަމީގެ ފުރަތަމަ ފުޓްސަލް މުބާރާތް ފަށައިފިއެވެ.
ވޭވް އެލްމިނިއަމް ފުޓްސަލް ޗެލެންޖްގެ ނަމުގައި ކުރިއަށްގެންދަާ މިމުބާރާތުގެ ފުރަތަމަ މެޗްގައި ބައްދަލްކުރީ ޓީމް ސޮލޮނޮއިޑް އަދި އޭ ޑީ ބީ އެވެ. މި މެޗް 7-1 ކާމިޔާބުކުރީ ޓީމް ސޮލޮނޮއިޑެވެ. މި މެޗް ގެ މޮޅު ކުޅުންތެރިއަކަށް ހޮވިފަވަނީ ޓީމް ސޮލޮނޮއިޑްގެ ޖާރޒީ ނަންބަރ 11 އަޝްވަދު ރަޝީދެވެ. މިމުބާރާތުގެ ދެމެޗް ރޭގަ ކުޅެފައިވާއިރު ދެވަނަ މެޗްގައި ބައްދަލްކުރީ ޓީމް އީކުއޭޓަރ އަދި ޓަޕިއޮކާ އެވެ. މިމެޗް 5-1 ކާމިޔާބުކުރީ ޓީމް އީކުއޭޓަރ އެވެ. މި މެޗްގެ މޮޅު ކުޅުންތެރިއަކަށް ހޮވިފައިވަނީ ޓީމް އީކުއޭޓަރ ގެ ޖާރޒީ ނަންބަރ 7 މުހައްމަދު އާދަމް އެވެ.
ކުޅުދުއްފުއްޓަށް ހުޅުވާލައިގެން ކުރިއަށްގެންދާ މި ފުޓްސަލް މުބާރާތްތުގެ ޗެންޕިއަން ޓީމަށް 10000 ރުފިޔާ ދިނުމަށް ހަމަެހިފައިވާއިރު މިމުބާރާތުގައި ޖުމްލަ 20 ޓީމަކުންވަނީ ބައިވެރިވެފައެވެ. މިއީ ބަސީރު އެކަޑަމީގެ ފަރާތުން ބާއްވާ މިފަދަ ފުރަތަމަ މުބާރާތެވެ.