ސޮލްޝެއާ ޓީމާއި ހަވާލުވިފަހުން ޔުނައިޓެޑުގެ ފެންވަރު ކުޅުންތެރިންނަށް ދަސްވެއްޖެ ކަމަށް، އެކުލަބަށް ކުޅޭ ފްރާންސްގެ ފޯވާޑް ޕައުލް ޕޮގްބާ ބުނެފިއެވެ.
ސޮލްޝެއާގެ އިރުޝާދުގެ ދަށުން ޓީމު ކުޅުނު ތިންވަނަ މެޗުގައި ބޯންމައުތް އަތުން މޮޅުވި މެޗައްފަހު ޕޮގްބާ ބުނީ، ޓީމުގެ ކުޅުން މިހާރު ތަފާތު ކަމަށާއި، އެންމެ ތިން މެޗުންވެސް އެކަން ފާހަގަވެގެން ގޮސްފި ކަމަށެވެ. ޕޮގްބާ ބުނީ، ތަފާތަކީ ދަނޑުމަތީގައި، އަމިއްލަ ސްޓައިލްގައި ކޮންމެ ކުޅުންތެރިއަކަށްވެސް ކުޅުމުގެ މިނިވަންކަން ލިބުން ކަމަށާއި، ނަތީޖާގައި ޖަފާތު ފެންނަ ސަބަބީ އެއީ ކަމަށެވެ.
އިތުރަށް ވާހަކަ ދައްކަމުން ޕޮގްބާ ބުނީ، މޮރީނިއޯގެ އިރުޝާދުގެ ދަށުންވެސް ޔުނައިޓެޑު މޮޅުވާ ކަމަށާއި، އެކަމަކު ޓީމުގެ ކުޅުމުގެ ވައްޓަފާޅި ވަރަށް ބޮޑަށް ވަދަލުވެއްޖެ ކަމަށެވެ. އެގޮތުން ސޮލްޝެއާ ބޭނުންވަނީ ބޮޑަށް އެޓޭކްކޮށް ގިނަ ފުރުސަތުތަށް ތަނަވަސްކުރަން ކަމަށާއި، އެއީ ޓީމުވެސް ބޭނުންވާ ގޮތް ކަމަށްވެސް ޕޮގްބާ ބުނެވެ.
ޕޮގްބާ ވަނީ ސޮލްޝެއާގެ އިރުޝާދުގެ ދަށުން ކުޅުނު ތިންމެޗުގައިވެސް ތަފާތު ކުޅުމެއް ދައްކާފައެވެ.