އިނގިރޭސި ކުލަބު މެންޗެސްޓާ ޔުނައިޓެޑުގެ ތާރީހުގައިވެސް އެންމެ ފެށުން ރަނގަޅު ކޯޗަކަށް، މިހާރުގެ ވަގުތީ ކޯޗް، އޮލެ ގުނަ ސޮލްޝެއާ ވެއްޖެއެވެ.
ހޯސޭ މޮރީނިއޯގެ އިރުޝާދުގެ ދަށުން މިސީޒަނުގައި ރަނގަޅު ނަތީޖާތަކެއް ނުނެރެވުމުގެ ސަބަބުން، އޭނާ މަގާމުން ވަކި ކުރުމަށްފަހު، ވަގުތީ ކޯޗެއްގެ ގޮތުގައި ސޮލްޝެއާ އާއި ޓީމު ހަވާލުކުރި ފަހުން، ޔުނައިޓެޑު ވަނީ މިހާތަނަށް އެޓީމު ކުޅުނު ތިން މެޗުވެސް ކާމިޔާބުކޮށް، ބާރަ ގޯލު ޖަހާފައެވެ.
ކުލަބުގެ ތާރީޚިގުއިވެސް އެންމެ ރަނގަޅު ފެށުންމެއް، ކޯޗް ޝޮލްޝެއާ ހޯދީ ރޭ ބޯންމައުތް އާއި ދެކޮޅަށް ކުޅުނު މެޗު ޔުނައިޓެޑުން، 4-1އިން ކާމިޔާބުކޮށްގެންނެވެ. މެޗުގައި ޔުނައިޓެޑުގެ ލަނޑުތައް ޖަހައިދިނީ މާކަސް ރަޝްފޯޑް އާއި، ޕައުލް ޕޮގްބާގެ އިތުރުން، ބަދަލު ކުޅުންތެރިއެއްގެ ގޮތުގައި ކުޅެން ނިކުތް ރޮމެލޫ ލުކާކޫއެވެ. ޕޮގްބާ ވަނީ ރޭގެ މެޗުގައި ދެލަނޑު ކާމިޔާބުކޮށްފައިއެވެ.
މެޗަށްފަހު ވާހަކަ ދައްކަމުން ސޮލްޝެއާ ބުނީ، ޔުނައިޓެޑުގައި ތިބީ މޮޅު ކުޅުންތެރިން ކަމަށާއި، އެކުޅުންތެރިންނަކީ އިތުރު ކަންތައްތައް ދަސްކޮށް ކުޅުން ތަރައްގީކުތަރަން ބޭނުންވާ ކުޅުންތެރިން ކަމަށެވެ. އެހެންކަމުން އެކުޅުންތެރިންނާއި އެކު މަސައްކަތްކުރަން ވަރަށް ފަސޭހަ ކަމަށާއި، ޓީމުން ފެންނަނީ އައު ރޫޚަކާއި އައު ފޯރިއެއްކަމަށެވެ.
ރޭގެމެޗަށްފަހު ޔުނައިޓެޑުގެ ބެއެއް ކުޅުންތެރިން ވަނީ، ކޯޗް ސޮލްޝެއާއަށް ވަރަށް ބޮޑަށް ތައުރީފް ކޮށްފައެވެ.