ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަހުމަދު އިންޑިއާ އަށް ވަޑައިގެންފިއެވެ.
ރައީސްގެ ދެ ކަނބަލުން ރާއްޖެއިން އިންޑިއާއަށް ވަޑައިގެންނެވުމަށް ދަތުރު ކުރެއްވި ހާއްސަ ފުލައިޓް މީގެ އިރުކޮޅެއް ކުރިން ވަނީ އިންޑިއާގެ ނިއުދިއްލީއަށް ޖައްސާފައެވެ.
ރައީސްގެ ދެކަނބަލުންނަށް ދިއްލީގެ ވައިގެ ބަނދަރުން މަރުހަބާ ދެންނެވީ އިންޑިއާގެ ފޮރިން ސެކެރެޓަރީ ވިޖޭ ގޯކްލޭއެވެ.
ރައީސުލްޖުމްހޫރިއްޔާގެ އިބްރާހީމް މުޙައްމަދު ޞާލިޙްގެ މި ދަތުރުފުޅަކީ މިދިޔަ މަހުގެ 17ވަނަ ދުވަހު އެމަނިކުފާނު ވެރިކަމާއި ހަވާލުވެޑާއިގަތުމަށްފަހު ރާއްޖެއިން ބޭރަށްކުރައްވާ ފުރަތަމަ ދަތުރުފުޅެވެ. އިންޑިއާގެ ބޮޑުވަޒީރު ނަރެންދުރަ މޯދީގެ ދައުވަތަކަށް އިންޑިއާއަށްކުރައްވާ މި ދަތުރުފުޅުގައި ދެ ޤައުމުގެ ދެ ޤައުމުގެ ދެމެދުގައި މުހިއްމު އެއްބަސްވުންތަކެއްގައި ސޮއިކުރުމަށްވަނީ ހަމަޖެހިފައެވެ.
ރައީސްގެ ދެކަނބަލުން މި ދަތުރުފުޅުގައި އިންޑިއާގައި ތިއްބަވަނީ އެ ޤައުމުގެ ރިޔާސީ ގަނޑުވަރުގައެވެ.