ތިލަފުށި - ފައިލް ފޮޓޯ: ޕީއެސްއެމް
ތިލަފުށީގައި ކޮމްޕްރެސަރ އެއް ގޮވައި 3 މީހަކަށް އަނިޔާވެއްޖެއެވެ.
މިހާދިސާގައި އަނިޔާވެފައި ވަނީ ނ.ކެނދިކުޅުދޫ މީހަކަށާއި ދެބިދޭސީއަކަށް ކަމަށް ފުލުހުން ބުނެއެވެ. މި ތިން މީހުންނަށް މިހާރު އައިޖީއެމްއެޗްގައި ދަނީ ފަރުވާދެމުންނެވެ. އެ ހޮސްޕިޓަލުން ބުނީ މި 3 މީހުންގެ ހާލުވެސް ރަނގަޅުވަމުން އަންނަކަމަށެވެ.
މި ހާދިސާގައި އަނިޔާވި ދިވެހި މީހާގެ މޫނު ފިހިފައިވާކަމަށްވެސް ހޮސްޕިޓަލުން ބުނެއެވެ. މި ހާދިސާގައި އަނިޔާވި ދެ ބިދޭސީންނަކީ އިންޑިޔާއާއި ބަނގްލަދޭޝަށް ނިސްބަތްވާ ދެ މީހުންނެވެ.
ފުލުހުން ބުނީ މިހާދިސާގެ މަޢުލޫމާތު ލިބިފައިވަނީ މިއަދު ހެނދުނު 9:34 ހާއިރު ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ