މޯލްޑިވްސް ބްލަޑް ސަރވިސަސްއާއި ސެންޓާރާ ރަސްފުށި ރިސޯޓު ގުޅިގެން ލޭ ހަދިޔާ ކުރުމުގެ ކޭމްޕެއް ބާއްވައިފިއެވެ.
ސެންޓާރާ ރަސްފުށި ރިސޯޓުގައި ބޭއްވި ނުވަގަޑިއިރުގެ މި ބްލަޑް ކޭމްޕުގައި އެ ރިސޯޓުގެ 29 މުވައްޒަފުން ލޭ ހަދިޔާކުރިއެވެ.
ސެންޓާރާ ރަސްފުށި ރިސޯޓަކީ ޤަވައިދުން ލޭ ހަދިޔާ ކުރަމުން އަންނަ ރިސޯޓެއް ކަމަށް މޯލްޑިވްސް ބްލަޑް ސާރވިސަސްއިން މަޢުލޫމާތުދެއެވެ.
މޯލްޑިވްސް ބްލަޑް ސާރވިސަސްއިން ބުނީ ސަރުކާރުގެ އިދާރާތަކުންނާއި، އަމިއްލަ އޮފީސްތަކުންނާއި، ރިސޯޓްތަކުން އެތަނެއްގެ 30 މުވައްޒަފުން ލޭ ހަދިޔާކުރަން ލިސްޓުކުރުމަށްފަހު އެއިދާރާއަށް އެންގުމުން، ލޭ ނެގުމަށް ވަކިން އެތަނަކަށް ބްލަޑް ޑޮނޭޝަން ކޭމްޕުތައް އިންތިޒާމުކޮށްދެމުން އަންނަކަމަށެވެ.
އެގޮތުން ސަރުކާރުގެ ބައެއް ވުޒާރާތަކުންނާއި، ރިސޯޓުތަކުގެ ތަރުޙީބު ބޮޑު ކަމަށް މޯލްޑިވްސް ބްލަޑް ސާރވިސްއިން ބުނެއެވެ.