ހުޅުމާލެ ހޮސްޕިޓަލް - ފޮޓޯ: ޕީއެސްއެމް ނިއުސް
ހުމާއި އިންފުލުއެންޒާ އަދި އަރިދަފުސް ރޯގާ ފެތުރުން އިތުރުވެފައިވާތީ ހުޅުމާލޭ ހޮސްޕިޓަލުގައި ޚާއްޞަ ފުލޫ ކްލިނިކެއް ހުޅުވައިފިއެވެ.
ހުޅުމާލޭ ހޮސްޕިޓަލް ހިންގާ އާސަންދަ ކުންފުނިން ބުނީ ހުމާއި ރޯގާ ފެތުރުން އިތުރުވެފައިވާ މިދަނޑިވަޅުގައި، ހުޅުމާލޭ ހޮސްޕިޓަލުގައި ފުލޫ ކްލިނިކް ހުޅުވީ ހުޅުމާލޭގައި ހޮސްޕިޓަލަށް ދައްކާ ފަރާތްތަކަށް ފަސޭހަ ކުރުމުގެ ގޮތުން ކަމަށެވެ. އެގޮތުން ފުލޫ ކްލިނިކްގެ ޚިދުމަތް މާދަމާ ހެނދުނު 8 އިން ފެށިގެން ކޮންމެ ދުވަހެއްގެ މެންދަމު 12 ޖަހަންދެން ލިބޭނެ ކަމަށް އާސަންދައިން ބުނެއެވެ.
ހުޅުމާލޭ ހޮސްޕިޓަލުގެ އިތުރުން މާލޭގެ ހޮސްޕިޓަލްތަކުގައިވެސް ވަނީ ޑޮކްޓަރަށް ދެއްކުމުގެ ޚާއްޞަ އިންތިޒާމްތަކެއް ހަމަޖައްސާފައެވެ. އަދި ބަލިން ރައްކާތެރިވުމަށް ސަމާލުކަން ދިނުމަށް ހެލްތް ޕްރޮޓެކްޝަން އޭޖެންސީން އިލްތިމާސް ކުރެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ