އަކޫ އެކަޑެމީ ޓެނިސް ޗެމްޕިއަންޝިޕް ކާމިޔާބުކަމާއިއެކު ނިންމާލައިފިއެވެ. މުބާރާތް އިއްޔެ ނިމުނުއިރު ހަ އުމުރުފުރާއެއްގައި ނުވަދިހައަށްވުރެ ގިނަ ކުދިން މުބާރާތުގައި ވާދަކުރިއެވެ.
މުބާރާތުގެ 6 އަހަރުން ދަށުގެ ފިރިހެން ޗެމްޕިއަންކަން ހޯދީ ނޯއާ ގުނައިދިންއެވެ. އަންހެން ޗެމްޕިއަންކަން ހޯދީ ކާމިލާ އައިމަންއެވެ. 8 އަހަރުން ދަށުގެ ފިރިހެން ޗެމްޕިއަންކަން އާލް ނިޔާޒް ހޯދިއިރު، އަންހެން ޗެމްޕިއަންކަން ހޯދީ ނަބާ ނިޝާންއެވެ.
10 އަހަރުން ދަށުގެ ފިރިހެން ކުދިންގެ ބައިން ޗެމްޕިއަންކަން ހޯދީ ކެއިސަން އިއްޒަތު ރަޝީދެވެ. އަންހެން ޗެމްޕިއަންކަން ހޯދީ އަލީނާ ނާއިފްއެވެ. 12 އަހަރުން ދަށުގެ ފިރިހެންބައިގެ ފޯރިގަދަ ފައިނަލް މެޗު ދެ ސެޓު އެއް ސެޓުން ކާމިޔާބުކޮށް ޗެމްޕިއަންކަން ހޯދީ ރައުދަކް މައުމޫނެވެ. އަންހެން ކުދިންގެ ބައިގެ ފައިނަލް މެޗުގައި އާޔާ ޝާފީ ސައީދު ބަލިކޮށް ޗެމްޕިއަންކަން ހޯދީ ލުއުލުއު ބިންތް ހަސަން އަރީފެވެ.
14 އަހަރުން ދަށުގެ އަންހެން ކުދިންގެ ބައިގެ ފައިނަލްގައި ތާރާ ނައީމް ބަލިކޮށް ޗެމްޕިއަންކަން ހޯދީ ސާރާ އަހުމަދު އަކުރަމެވެ. 16 އަހަރުން ދަށަށް ބަލާލާއިރު، އަންހެން ކުދިންގެ ބައިގެ ފައިނަލްގައި ޔުމްނު ނިޔާޒް ބަލިކޮށް ޗެމްޕިއަންކަން ހޯދީ ހަޝްމާ ހާނިމެވެ. އަދި ފިރިހެން ބައިގެ ފައިނަލްގައި ދާއިން މުޙައްމަދު އަމީން ބަލިކޮށް ޗެމްޕިއަންކަން ހޯދީ ރާއްޔާން ޔޫސުފް ރިޒާއެވެ.
އަކޫ އެކަޑަމީ ޗެމްޕިއަންޝިޕަކީ މިދިޔަ އަހަރުގެ ސެޕްޓެމްބަރު މަހު ހުޅުވި އަކޫ އެކަޑެމީން އިންތިޒާމްކޮށްގެން ކުރިއަށްގެންދިޔަ ފުރަތަމަ މުބާރާތެވެ. އަންނަ އަހަރުވެސް މި މުބާރާތް ކުލަގަދަކޮށް ބާއްވާނެކަމަށް އެކޫ ޓެނިސް އެކަޑެމީން މައުލޫމާތުދެއެވެ. އަކޫ އެކަޑެމީގައި ކުޅުންތެރިންނަށް އިރުޝާދުދެމުން އަންނަނީ ނޭޕާލްގެ ކޯޗުންކަން ފާހަގަކޮށްލެވެއެވެ.