ރައީސުލްޖުމްހޫރިއްޔާގެ އޮފީސް / ފޮޓޯ: ޕީއެސްއެމް
ރަމަޟާންމަހުގެ ދުވަސްތަކާއި ޝައްވާލުމަހުގެ ފުރަތަމަ 7 ދުވަހު ސަރުކާރު އޮފީސްތަކުގެ ރަސްމީ މަސައްކަތު ގަޑިތަކަށް ބަދަލު ގެންންވައިފިއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާން އިބްރާހިމް މުއާޒް ޢަލީ ވިދާޅުވީ ރަމަޟާން މަހުގެ ދުވަސްތަކާއި ޝައްވާލުމަހުގެ ފުރަތަމަ 7 ދުވަހު ސަރުކާރު އޮފީސްތަކުގެ މަސައްކަތުގެ ރަސްމީ ގަޑިއަކީ ހެނދުނު 10:00 އިން މެންދުރު ފަހު 2:00 ކަމަށް ރައީސުލްޖުމްހޫރިއްޔާ ހަމަޖައްސަވާފައިވާކަމަށެވެ.
މީގެ އިތުރުން ކަލަންޑަރުގައި ވާގޮތަށް ރަމަޟާންމަހުގެ ފުރަތަމަ ދުވަހަކީ މޭމަހުގެ 16 ވަނަ ދުވަހަށް ވެއްޖެނަމަ 17 މޭ ވާ ބުރާސްފަތި ދުވަހަކީ ސަރުކާރު ބަންދު ދުވަހެއްގެ ގޮތުގައިވެސް ރައީސުލްޖުމްހޫރިއްޔާ ވަނީ ހަމަޖައްސަވާފައެވެ. މިހެން ވެއްޖެނަމަ ހަފްތާ ބަންދާއެކު ސަރުކާރު ބަންދު 4 ދުވަސް ލިބޭނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ