ދަރުމަވަންތަ ހޮސްޕިޓަލްގެ ޚިދުމަތް، އަންނަ މިނިވަންދުވަހު ފަށާނެ!

ސަރުކާރުގެ އަމާޒަކީ އަންނަ އަހަރުގެ މިނިވަންދުވަހު ދިވެހިރައްޔިތުންނަށްދޭ އެންމެބޮޑު ހަދިޔާގެގޮތުގައި ދަރުމަވަންތަ ހޮސްޕީޓަލްގެ ޙިދުމަތް ރައްޔިތުންނާ ހަމަޔަށް ފޯރުކޮށްދިނުންކަމަށް ހެލްތު މިނިސްޓަރ އަބުދުﷲ ނާޒިމް ވިދާޅުވެއްޖެއެވެ. 

މިނިސްޓަރ މިހެން ވިދާޅުވީ ދަރުމަވަންތަ ހޮސްޕިޓަލްގެ ކޮންކްރީޓް މަސައްކަތް ނިއްމުން ފާހަގަކުރުމަށް އެ ޢިމާރާތުގެ 25 ވަނަ ފަންގިފިލާގައި ބޭއްވި ރަސްމިޔާތުގަ ވާހަކަފުޅު ދައްކަވަމުންނެވެ. 

ރާއްޖޭގެ ސިއްޙީ ނިޒާމަށް ދިމާވެފައިވާ މަސައްސަލަތަށް ޙައްލުކުރުމަށް ސަރުކާރުން މިހާރު ހިންގަމުންދާ އެންމެބޮޑު ޕްރޮޖެކްޓަކީ ދަރުމަވަންތަ ހޮސްޕިޓަލްގެ މަސައްކަތެވެ. 25 ފަންގިފިލައަށް ޢިމާރާތްކުރަމުންގެންދާ މި ހޮސްޕިޓަލްގެ ކޮންކްރީޓް މަސައްކަތް މިހާރުވަނީ ނިމިފައެވެ.  އެދަރުމަވަންތަ ހޮސްޕިޓަލްގެ ކޮންކުރީޓް މަސައްކަތް ނިއްމުން ފާހަގަކުރުމަށް އެ ޢިމާރާތުގެ 25 ވަނަ ފަންގިފިލާގައި ބޭއްވި ރަސްމިޔާތު ޝަރަފްވެރިކޮށްދެއްވާ އެންމެފަހުގެ ކޮންކުރީޓް އޮއްސާލެއްވީ ހެލްތު މިނިސްޓަ އަބުދުﷲ ނާޒިމް އިބްރާހީމެވެ. 

img:http://s4.psmnews.mv/images/660x400/15058994352504.jpg|މިއަދުގެ ރަސްމިއްޔާތުގައި ހެލްތް މިނިސްޓަރ ވާހަކަފުޅުދައްކަވަނީ - ފޮޓޯ: ޕީއެސްއެމް

މި ރަސްމިޔާތުގައި ރާއްޖޭގެ ސިއްޙީދާއިރާގެ ފުންނާބުއުސް ބޭފުޅުންނާ އައިޖީއެމްއެޗް މުވައްޒަފުން ބައިވެރިވިއެވެ. މި ރަސްމިޔާތުގައި ވާހަކަފުޅު ދައްކަވަމުން ހެލްތު މިނިސްޓަރ އަބްދުﷲ ނާޒިމް ވިދާޅުވީ ރާއްޖޭގެ މި ވަގުތު އެންމެ ބޮޑު ހޭދައެއް ކުރަމުންދާ އެއް ދާއިރާއަކީ ސިއްޙީ ދާއިރާކަމަށާއި ރައީސް ޔާމީންގެ ސަރުކާރުން އެކަމަށްޓަކައި ރާއްޖޭގެ އެކި ކަންކޮޅުތަކުގައި މަސައްކަތް ކުރަމުން ގެންދަވާކަމަށެވެ. އަދި ސަރުކާރުގެ އަމާޒަކީ ދަރުމަވަންތަ ހޮސްޕިޓަލްގެ މަސައްކަތް އަންނަ އަހަރުގެ ނިޔަލަށް ނިންމުންކަމަށްވެސް ހެލްތް މިނިސްޓަރ ވިދާޅުވިއެވެ. 

img:http://s1.psmnews.mv/images/660x400/15058995853029.jpg|މިއަދުގެ ރަސްމިއްޔަތުގެ ތެރެއިން - ފޮޓޯ: ޕީއެސްއެމް

މިނިސްޓަރ ނާޒިމް ވިދަޅުވީ ސަރުކާރުގެ އަމާޒަކީ ސަރަހަށްދީގޮތުންވެސް ފާހަގަކޮށްލެވޭ އެންމެ ފެންވަރު ރަނގަޅު ޚިދުމަތް ފޯރުކޮށްދޭ ހޮސްޕިޓަލަކަށް ދަރަމަވަންތަ ހޮސްޕިޓަލް ހެދުންކަމަށެވެ. އަދި ސިއްޙީ ޚިދުމަތް ހޯދުމަށް ރާއްޖޭން ބޭރަށް ދާންޖެހޭ ޖެހުން މަދުކޮށް ރާއްޖޭގައި ތިބެ އެންމެ ފެންވަރު ރަނގަޅު ޙިދުމަތް ލިބޭނެ މަގު ދިވެހި ރައްޔިތުންނަށް ފަހިކޮށްދެއްވުމަކީ އެކަމުގެ ސަބަބުން ގިނަ ފައިދާތަކެއް ގައުމަށް ކުރާނެކަމެއްކަމަށް ހެލްތު މިނިސްޓާރ ވިދާޅުވިއެވެ.

ދަރުމަވަންތަ ހޮސްޕިޓަލްގެ މަސައްކަތް ކުރަމުންދަނީ ސިންގަޕޫރުގެ ޝެންހުއާ ކުންފުންނިންނެވެ. ކޮންކުރީޓް މަސައްކަތް ނިމުން ފާހަގަކުރުމުގެ ގޮތުން އެ ކުންފުނިން ވަނީ ހެލްތު މިނިސްޓަރަށް ހަނދާނީ ފިލައެއް ހަދިޔާކޮށްފައެވެ.