މަރާލަފައި އޮއްވައި ފެނުނު ޔާމީން ރަޝީދު
ބްލޮގަރ ޔާމީން ރަޝީދު ރަޙްމުކުޑަގޮތަކަށް މަރާލި މައްސަލައާ ގުޅިގެން ފުލުހުން ހައްޔަރުކުރި ފުރަތަމަ މީހާގެ ބަންދަށް 13 ދުވަސް ކްރިމިނަލް ކޯޓުން ޖަހައިދީފިއެވެ.
މި މައްސަލައާ ގުޅިގެން މިހާތަނަށް 7 މީހުން ފުލުހުން ހައްޔަރު ކޮށްފައިވާއިރު، ހައްޔަރުކުރި އެއްވެސް މީހެއްގެ މަޢުލޫމާތު މިހާތަނަށް ހާމަކޮށްފައެއް ނުވެއެވެ. އެހެންނަމަވެސް ޔާމީން ރަޝީދު މެރުމުގެ ޢަމަލީ ގޮތުން ބައިވެރިވާ 2 މީހުން ފެންނަ ވީޑިއޯއެއް ފުލުހުންވަނީ ޢާންމުކޮށްފައެވެ. އަދި މި ވީޑިއޯއިން ފެންނަ ދެމީހުންވެސް ހައްޔަރުކޮށްފައިވާ ކަމަށް ފުލުހުން ވިދާޅުވެއެވެ.
ޔާމީން ރަޝީދުގެ މަރުގެ މައްސަލައިގެ ތަޙްޤީޤަށް ބޮޑެތި ކުރިއެރުންތަކެއް ލިބެމުންދާކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ