މިމަހުގެ 10 ވަނަ ދުވަހުން ފެށިގެން 13 ވަނަ ދުވަހުގެ ނިއަލަށް ކުރިއަށްގެންދިޔަ މޯލްޑިވްސް ފެސްޓިވަލް އޮފް އާޓްސް ނިންމާލައިފިއެވެ.
މި ފެސްޓިވަލްގައި ކުރެހުމާއި، އާޓް ކްރާފްޓް އަދި ލަވަކިޔުމުގެ އިތުރުން ޕޯސްޓަރ ފަދަ ތަކެތި ދައްކާލައިފައިވެއެވެ. ރާއްޖޭގެ ތިބި ޒުވާން އާޓިސްޓުންގެ ހުނަރުތައް ބަލާއިގަނެ އެފަދަ ޒުވާނުންގެ ހުނަރު ތަރައްޤީކޮށް ކުރިއެރުވުމުގެ ގޮތުން، އަމިއްލަ ޖަމްޢިއްޔާއެއް ކަމުގައިވާ ޝްވަޗްއިން ދަނީ ތަފާތު ހަރަކާތްތައް ހިންގަމުންނެވެ.
އެގޮތުން "އާޓް އެންޑް ކްރާފްޓް ބަޒާރ" ގެ ނަމުގައި 2013 ވަނަ އަހަރުން ފެށިގެން އެޖަމްޢިއްޔާއިން ދަނީ އެގްޒިބިޝަންތައް ބާއްވަމުން. އާޓް އެންޑް ކްރާފްޓް ބަޒާރ" ގެ ނަމުގައި މިހާތަނަށް ބާއްވަމުން އައި މި އެގްޒިބިޝަން މިއަހަރު ބޭއްވީ މޯލްޑިވްސް އާޓް ފެސްޓިވަލްގެ ނަމުގައެވެ. މިމަހުގެ ދިހަ ވަނަ ދުވަހުން ފެށިގެން ތޭރަ ވަނަ ދުވަހުގެ ނިއަލަށް ކުރިއަށްގެންދިޔަ މި ފެސްޓިވިއަލްގައި ބާއްވާފައި ވަނީ ނޭޝަނަލް އާޓްގެލަރީގައެވެ.
މި ފަހަރުގެ ފެސްޓިވަލް ކުރިއަށްގެންދިޔައީ ނޭޝަނަލް ސެންޓަރ ފޮރ ދި އާރޓްސް، އެންސީއޭ އަދި ޝްވަޗްއާ ގުޅިގެންނެވެ. މި ފެސްޓިވަލާއި ގުޅޭ ގޮތުން މަޢުލޫމާތުދެއްވަމުން ޝުވަޗްގެ ފައުންޑާރ މަރިޔަމް ޝާނިޔާ އަޙްމަދު ވިދާޅުވީ މިފަހަރުގެ މިފެސްޓިވަލަށް ވަރަށް ބޮޑު ތަރުހީބެއްލިބުނުކަމަށެވެ.
އެންސީއޭގެ ކޯޑިނޭޓަރ ޢަލީ އާމިރު ވިދާޅުވީ ފަންނާނުން ކުރިއެރުވުމައްޓަކައި އެންސީއޭއާ ގުޅިގެން މަސައްކަތް ކުރުމުގެ ފުރުޞަތު އަބަދުވެސް އޮންނާނެ ކަމަށެވެ.
މި ފެސްޓިވަލް ނިމުގެ ރަސްމިއްޔާތު ޝަރަފްވެރިކޮށްދެއްވީ ހެލްތް މިނިސްޓަރ އަބްދުﷲ ނާޒިމް އިބްރާހިމެވެ.
މޯލްޑިވްސް ފެސްޓިވަލް އޮފް އާޓްސްގައި އެކި ޖަމްއިއްޔާ ޖަމާއަތްތަކާއި، އަމިއްލަ ފަރުދުން ހިމެނޭ ގޮތައް 35 ސްޓޯލެއްގައި 100 ފަންނާނުނަށް ވުރެ ގިނަ ޒުވާނުންގެ ހުނަރު ދައްކާލައިފައިވެއެވެ.
އަދި މި ފެސްޓިވަލްގެ ފެނިގެންދިޔަ ކުރެހުންތަކުގައި ކުރެހުންތަކުގައި ދައްކުވައިދީފައި ވަނީ ރާއްޖޭގެ ޤުދުރަތީ ރީތިކަމާއި، ޘަޤާފަތާ އާދަކާދަކަން ފާހަގަކޮށްލެވެއެވެ.