ކީޕަރު އަތުން ބައިކޮޅަށް ވަން ގޯލުން، ފުލަމް އެއްވަރު!

ވޯލްޑްކަޕްގައި ވިދާލި ކީޕަރު ސުޒުކީ އަތުން ބައިކޮޅަށް ވަން ލަނޑުން, އެސްޓަން ވިލާ އަތުން ފުލަމް އަށް ޕޮއިންޓެއް ލިބިއްޖެއެވެ.

އިނގިރޭސި ޕްރިމިއަރ ލީގުގައި އެސްޓަން ވިލާގެ ދަނޑުގައި ފުލަމްއާ ވާދަކުރި މެޗު ނިމުނީ 1-1 ން އެއްވަރުވެގެންނެވެ. ފުރަތަމަ ހާފް ނިމެން ހަ މިނިޓަށް ވެފައިވަނިކޮށް, އެސްޓަން ވިލާ އިން މެޗުގައި ކުރި ހޯދިއެވެ. އެއީ ނިކޮލަސް ޖެކްސަންގެ ލަނޑުންނެވެ. އެކަމަކު އެލީޑްގައި އޮވެވުނީ ދެވަނަ ހާފް ފަށައިގެން 19 ވަނަ މިނިޓްގައެވެ.

ލީޑް ގެއްލުނީ ވޯލްޑްކަޕްގައި ޖަޕާނުގެ ގޯލު ބެލެހެއްޓި އެމެރިކާއަށް އުފަން ކީޕަރު ޒިއޯން ސުޒުކީ އަތުން ބައިކޮޅަށް ވަން ލަނޑުންނެވެ. ސުޒުކީ އަތުން ބައިކޮޅަށް ބޯޅަ ވަނީ އިވޯބީ ނަގައިދިން ކޯނަރެއް މަތަކުރަން އުޅުމުގެ ތެރޭގައި އަތުން ދޫވެގެންނެވެ. މެޗުގައި އޭނާ ފުލަމްގެ ރަނގަޅު އެޓޭކެއް އެއް އަތުން މަތަވެސް ކުރިއެވެ.

ގާނާގެ ބައްޕަ އަކާއި ޖަޕާން މަންމައަކަށް ލިބުނު ސުޒުކީ އަކީ އެންމެ ފަހުން ވޯލްޑް ކަޕްގައި މޮޅަށް ކުޅުނު ކީޕަރެކެވެ. ނަތީޖާއެއްގެ ގޮތުން ވޯލްޑްކަޕަށް ފަހު ކްލަބްތަކުގެ ޝައުގުވެރިކަން ހުއްޓުނު ކީޕަރެކެވެ.

އޮކްޓޯބަރު މަހު ނިކޮލަސް ޖެކްސަން ޖެހި ހަވަނަ ގޯލާއެކު އެސްޓަން ވިލާ މެޗުގައި އޮތީ ރަނގަޅު ރޫހެއްގައި މެޗު ކޮންޓްރޯލް ކޮށްގެންނެވެ. އެކަމަކު ސުޒުކީ އަތުން ބައިކޮޅަށް ވަން ލަނޑުގެ ސަބަބުން މުހިއްމު ދެ ޕޮއިންޓް ގެއްލުނީއެވެ.

ސުޒުކީ އަތުން ބައިކޮޅަށް ވަން ގޯލުގެ އިތުރުން މެޗުން އެސްޓަން ވިލާ އަށް މުހިއްމު ދެ ޕޮއިންޓް ގެއްލުނުގައި ލިބުނު ޕެނަލްޓީ ނާކާމިޔާބުވުން ހިމެނެއެވެ. އޭރިޔާ ތެރެއިން ލިއޮން ގޮރެޓްޒްކާ އަތުގައި ޖެހުމުން ދިން ޕެނަލްޓީ ފޮނުވާލީ އެސްޓަން ވިލާ ކެޕްޓަން ޖޯން މެގިން މެގިން ފޮނުވާލުމުން ގޯލާ އަމާޒެއް ނުވިއެވެ.

އެސްޓަން ވިލާ އޮތީ ލީގު ތާވަލުގައި 12 ޕޮއިންޓާއެކު 9 ވަނައިގައެވެ. ފުލަމް އޮތީ 9 ޕޮއިންޓާއެކު 15 ވަނައިގައެވެ.