އައު ޓާމިނަލުން އެއޮރޯފްލޮޓް އެއަރލައިނަށް ޚިދުމަތް ދޭން ފަށައިފި

ވެލާނާ އިންޓަރނޭޝަނަލް އެއަރޕޯޓުގެ އައު ޕެސެންޖަރ ޓަރމިނަލުން އެއޮރޯފްލޮޓް އެއަރލައިނަށް ޚިދުމަތް ދޭން ފަށައިފިއެވެ.

ވީއައިއޭ ޓަރމިނަލް 1އިން އެއޮރޯފްލޮޓް އެއަރލައިނަށް ޚިދުމަތް ދޭން ފެށުމަށް ޓަރމިނަލުގައި ވަނީ، ޚާއްޞަ ރަސްމިއްޔާތެއް ބާއްވާފައެވެ. މި ރަސްމިއްޔާތު ޝަރަފްވެރިކޮށްދެއްވީ، ރައީސް އޮފީހުގެ ޕްރިންސިޕަލް ސެކެޓްރީ ޓު ދަ ޕްރެޒިޑެންޓު އޮން ޕޮލިސީ އެންޑް މެނިފެސްޓޯ ޙުސައިން ފަޙުމީއެވެ.

މި ރަސްމިއްޔާތުގައި އެއޮރޯފްލޮޓުގެ ޖެނެރަލް މެނޭޖަރ އޮފް ދަ މޯލްޑިވްސް އެވެންގީ ރަޓުޝްނީ، ކޮންސަލް އޮފް ދަ ރަޝިއަން ފެޑެރޭޝަން އިން ދަ މޯލްޑިވްސް އަލެސްކި އިޑަމްކިންއާއި، އެމްއޭސީއެލްގެ ސީއީއޯ އަދި މެނޭޖިންގ ޑިރެކްޓަރ އިބްރާހިމް ޝަރީފް މުހައްމަދުގެ އިތުރުން އެމްއޭސީއެލްގެ އެކްސްކޯ މެމްބަރުން ބައިވެރިވެ ވަޑައިގެންނެވިއެވެ.

The arrival of Aeroflot’s inaugural flight at Terminal 1 was marked with a ceremonial water salute. Arriving passengers were warmly welcomed by the Principal Secretary to the President on Policy and Manifesto, Hussain Fahmy, Aeroflot General Manager for the Maldives, Evgeny… pic.twitter.com/nmT7ES9ZVz

— Maldives Airports Company Ltd (@MACLmedia) December 28, 2025

އެއޮރޯފްލޮޓް އެއަރލައިނަކީ، ރަޝިއާގެ އެންމެ ބޮޑު އެއަރލައިންނެވެ.

އެއޮރޯފްލޮޓްއާއެކު ޓަރމިނަލް 1 އިން މިހާރު 39 އެއަރލައިނަކަށް ދަނީ، ޚިދުމަތް ދެމުންނެވެ. އެމްއޭސީއެލުން ވިދާޅުވީ، ރާއްޖެއަށް ދަތުރު ކުރާ ހުރިހާ އެއަރލައިނަކަށްވެސް އެންމެ ފުރިހަމަ އަދި އެންމެ މަތީ ފަންތީގެ ޚިދުމަތް ފޯރުކޮށްދިނުމަށް މަސައްކަތް ކުރަމުންދާ ކަމަށެވެ.