ސަރުކާރު ވައްޓާލަން މަސައްކަތް ކުރާކަން ސަރުކާރަށް އެނގިވަޑައިގެންފައި ނުވާކަމަށް ރައީސުލްޖުމްހޫރިއްޔާގެ ނާއިބު ޢަބްދު ﷲ ޖިހާދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ މިއަދު ބޭއްވެވި ސޯޝަލް ކައުންސިލްގެ ޕްރެސް ކޮންފަރެންސްގައި، ދިވެހި ސަރުކާރު ވައްޓާލަން ބަޔަކު މަސައްކަތްކުރާ ކަމަށް ފެތުރޭ ވާހަކަތަކާއި ޙަވާލާދީ ނޫސްވެރިޔަކު ދެންނެވި ސުވާލެއްގެ ޖަވާބުގައެވެ. ރައީސުލްޖުމްހޫރިއްޔާ ވިދާޅުވީ ސަރުކާރު ވައްޓާލެވޭނެ ކަމަށް ޤަބޫލުކުރައްވާ ކަމަށާއި މި ސަރުކާރާ ދެކޮޅަށް ބަޣާވާތެއް ނުކުރެވޭނެ ކަމަށެވެ. އަދި މި ސަރުކާރު އޮތީ ވަރަށް ހަރުދަނާކަންމަތީގައި ކަމަށާއި ދައުރު ހަމަވަންދެން ސަރުކާރުން ރައްޔިތުންނަށް ޚިދުމަތް ކުރުމުގައި ދެމިއޮންނާނެ ކަމަށް ރައީސުލްޖުމްހޫރިއްޔާގެ ނާއިބު ޢަބްދު ﷲ ޖިހާދު ވިދާޅުވިއެވެ. img:http://s3.psmnews.mv/images/660x400/14729828012121.jpg|މިނިސްޓަރ އޮފް ހޯމް އެފެއަރޒް އަޒްލީން އަޙްމަދު ސޯޝަލް ކައުންސިލުން ބޭއްވި ނޫސްވެރިންގެ ބައްދަލުވުމުގެ ތެރެއިން - ފޮޓޯ: ޕީއެސްއެމް
މިނިސްޓަރ އޮފް ހޯމްއެފެއަރޒް އަޒަލީން އަޙްމަދުވެސް ވަނީ މި ޕްރެސް ކޮންފަރެންސްގައި ވާހަކަފުޅުދައްކަވަމުން ސަރުކާރު އޮތީ ވަރުގަދަކޮށް، ބަދަހިކޮށް ކަމަށާއި ސަރުކާރު ވައްޓާލުމަކީ އެހާ ފަސޭހައިން ކުރެވޭނެ ކަމެއް ނޫން ކަމަށް ވިދާޅުވެފައެވެ.