ވަކިކުރުމުގެ މަސައްކަތް ފަށާފައިވަނިކޮށް ސީއެސްސީގެ ނައިބު ރައީސް އިސްތިއުފާދެއްވައިފި

ސިވިލް ސަރވިސް ކޮމިޝަން، ސީއެސްސީގެ ނައިބު ރައީސް އިބްރާހީމް ރަޝީދު މަޤާމުން ވަކިކުރުމުގެ މަސައްކަތް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން ފަށާފައިވަނިކޮށް، އޭނާ މަޤާމުން އިސްތިއުފާދެއްވައިފިއެވެ.

އިބްރާހީމް ރަޝީދު ސިވިލް ސަރވިސް ކޮމިޝަނަށް އައްޔަންކުރައްވާފައިވަނީ 2020 ވަނަ އަހަރުގެ ސެޕްޓެމްބަރު މަހުގެ 3 ވަނަ ދުވަހުއެވެ. އޭނާ މިއަދު މަޤާމުން އިސްތިއުފާދެއްވުމާއި ގުޅިގެން، އެކޮމިޝަނުން ވަނީ އޭނާގެ ޚިދުމަތްތަކަށް ޝުކުރުއަދާކުރައްވާފައެވެ.

We would like to express our sincere gratitude to Mr. Ibrahim Rasheed for his dedicated service as the Vice President of the Commission. pic.twitter.com/k8A7fTCnhj

— Civil Service Commission of the Maldives (@cscmaldives) March 11, 2025

ސިވިލް ސަރވިސް ކޮމިޝަނުން އިބްރާހީމް ރަޝީދު ވަކިކުރުމުގެ މަސައްކަތް ފަށައި، ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން ވަނީ އެ މައްސަލަ މަޖިލީހުގެ ތަޅުމަށް ފޮނުއްވާފައެވެ.

އިބްރާހީމް ރަޝީދު މަޤާމުން ވަކިކުރުމުގެ މަސައްކަތް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓިން ފެށީ މުވައްޒަފުން ރެކްރޫޓް ކުރުމުގައި ހުރި ބައެއް މައްސަލަތަކާއި އިތުރު ބައެއް ތުހުމަތުތަކާއި ގުޅިގެންނެވެ.