ތިންވަނައަށް އެންމެ އިސްކަންދޭ ކަމަކަށް އޮންނާނީ، ކުޅިވަރާއި ދުޅަހެޔޮކަމުގެ ކަންކަން: ރައީސް
ސަރުކާރުގެ ބަޖެޓުގައި މިއަހަރު ތިންވަނައަށް އެންމެ ބޮޑު އިސްކަމެއް ދެއްވާނީ ކުޅިވަރާއި ދުޅަހެޔޮކަމުގެ ކަންކަންކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ މިހާރު ހއ.އަތޮޅުގެ ރަށްތަކަށް ކުރަވަމުން ގެންދަވާ ދަތުރުފުޅުގައެވެ. ކުޅިވަރު ވަސީލަތައް ގާއިމު ކުރެއްވުމަށް ހޭދައެއް ކުރައްވާނެކަމަށާއި ކުޅިވަރާއި ގުޅުންހުރި ހަރަކާތްތައް ހިންގުމަށް ވެސް ބޮޑު ހޭދައެއް ކުރައްވާނެ ކަމަށް ރައީސް ވަނީ ވިދާޅުވެފައެވެ.
މީގެ އިތުރުން ދުޅަހޮޔެ މުޖުތަމައުއް ބިނާކުރުމަށް ކުޅިވަރު ވުޒާރާއިން ހިންގާ ހަރަކާތްތަކަކީވެސް އެ ވުޒާރާގެ ބަޖެޓުގައި ހިމެނިފަވާ މުހުންމި ކަންތައްތަކަން ރައީސުލްޖުމްހޫރިއްޔާ ވިދާޅުވިއެވެ.
ކުޅިވަރު ވުޒާރާގައި ހިމެނެނީ މައިގަނޑު ދެ ބަޔަކަށެވެ. އެއީ ކުޅިވަރާއި ހަށިހެޔޮކަމެވެ. މިކަންކަން ކުރުމަށް ވުޒާރާއިން އަންނަނީ ޕްލޭންތަކެއް ހެދިގެން ބޮޑެތި މަސައްކަތްތަކެއް ދަނީ ކުރަމުންނެވެ. މި ގޮތުން މުޅިރާއްޖޭއަށް ހުޅުވައިލައިގެން "ހަށިހެޔޮ ރާއްޖެ" މި ނަމުގައި ވަނީ ހާއްސަ ޕްރޮގްރާމެއް ފަށާފައެވެ.
ސަރުކާރުގެ 52 ހަފްތާގެ ތެރޭގައި "ހަށިހެޔޮ ރާއްޖެ" ޕްރޮގްރާމް ހިންގުމަށް ބޭނުންވާ އިންސާނީ ވަސީލަތްތައް ތަރައްގީ ކުރުމުގެ މަގްސަދުގައި މުޅި ރާއްޖެއަށް އަމާޒުކޮށް 260 އަށްވުރެ ގިނަ ލީޑަރުން ވަނީ ތަމްރީން ކޮށްފައެވެ.