ރާއްޖޭގައި ގްރީންހައުސް ގޭސް އުފެދޭ މިންވަރު ދެނެގަތުމަށް މަޝްވަރާ ބައްދަލުވުމެއް ބާއްވައިފި

ރާއްޖޭގައި ގްރީންހައުސް ގޭސް އުފެދޭ މިންވަރު ދެނެގަތުމަށް މަޝްވަރާ ބައްދަލުވުމެއް ބާއްވައިފިއެވެ. މި މަޝްވަރާ ބައްދަލުވުމުގައި ސަރުކާރުގެ އިދާރާތަކާއި، އަމިއްލަ ޖަމްޢިއްޔާތަކާއި، ތިމާވެށީގެ ދާއިރާގައި މަސައްކަތްކުރާ ތަޖުރިބާކާރުން ވަނީ ބައިވެރިވެފައެވެ.

މިބައްދަލުވުމަކީ ރާއްޖޭގެ ތިންވަނަ މޫސުމީ ބަދަލުތަކާ ބެހޭ ޕްލޭނަށް ބޭނުންވާ ގްރީންހައުސް ގޭސް އުފެދޭ މިންވަރު ދެނެގަތުމަށް ކުރަންޖެހޭ ޓެކްނިކަލް ދިރާސާތަކާ ބެހޭގޮތުން މަޝްވަރާކުރަށް ބޭއްވި ބައްދަލުވުމެކެވެ. މިމަޝްވަރާ ބައްދަލުވުމުން ލިބޭ މަޢުލޫމާތު އެހީގައި ކުރިއަށް އޮތް އަހަރުތަކުގައި ރާއްޖޭން އުފެދޭނެ ގްރީންހައުސް ގޭހުގެ މިންވަރު ލަފާކުރުމަށް އިތުރު ފަސޭހަތަކެއް ލިބިގެންދާނެކަމަށް މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއިން ވިދާޅުވެއެވެ.

މިމަޝްވަރާ ބައްދަލުވުމުގައި ބައިވެރިވި ފަރާތްތަކުން ވަނީ ގްރީންހައުސް ގޭސް އުފެދޭ މިންވަރު ދެނެގަތުމަށް ބޭނުންކުރެވިދާނެ އެކި މެތަޑޮލޮޖީތަކާ ބެހޭގޮތުން ފުޅާ ދާއިރާއެއްގައި މަޝްވަރާކޮށް، އެކަމާ ގުޅޭ ގޮތުން އެ ފަރާތްތަކުގެ ޚިޔާލުތަކާއި ހުށަހެޅުންތައް ހިއްސާކޮށްފައެވެ. އަދި މި މަޢުލޫމާތުގެ އަލީގައި ކުރިއަށް އޮތް ތަނުގައި އިތުރު ޢިލްމީ ދިރާސާތައް ކުރިއަށް ގެންދިއުމަށް ރޭވިފައިވާކަމަށް މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއިން ވިދާޅުވެއެވެ.

މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއިން ބޭއްވި މަޝްވަރާ ބައްދަލުވުމުން ރާއްޖޭގެ ތިންވަނަ މޫސުމީ ބަދަލުތަކާ ބެހޭ ޕްލޭން އެކުލަވާލުމުގެ މަސައްކަތަށް އިތުރު ލުޔެއް ލިބިގެންދާނެކަމަށް އެ ވުޒާރާއިން ފާހަގަކުރެއްވިއެވެ. އަދި މި ބައްދަލުވުމުން ލިބިގެންދިޔަ މަޢުލޫމާތުގެ އަލީގައި ރާއްޖޭން އުފެދޭ ގްރީންހައުސް ގޭސްގެ މިންވަރު މަދުކުރުމަށް އަޅަންޖެހޭ ފިޔަވަޅުތައް ދެނެގަނެވޭނެކަމަށްވެސް އެ ވުޒާރާއިން ވިދާޅުވެއެވެ.

މިމަޝްވަރާ ބައްދަލުވުމުން ލިބޭ މަޢުލޫމާތު އެހީގައި ކުރިއަށް އޮތް އަހަރުތަކުގައި ރާއްޖޭގައި އުފެދޭނެ ގްރީންހައުސް ގޭހުގެ މިންވަރު ލަފާކުރުމަށް އިތުރު ފަސޭހަތަކެއް ލިބިގެންދާނެކަމަށް މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާއިން ވިދާޅުވެއެވެ.