ރައީސްގެ ދަތުރުފުޅުގައި ހުވަދުއަތޮޅު އުތުރުބުރިން ފުރަތަމަ ރަށަކަށް ކަނޑުހުޅުދޫއަށް
-
މިއީ ރައީސް ހުވަދުއަތޮޅަށް ކުރައްވާ ދަތުރުފުޅުގައި ވަޑައިގެންނެވި 6ވަނަ ރަށް
-
ގއ. އަތޮޅުގެ 4 ރަށަކަށް އެމަނިކުފާނު ވަޑައިގަންނަވާނެ
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުވަދުއަތޮޅަށް ކުރައްވަމުން ގެންދަވާ ދަތުރުފުޅުގައި އެއަތޮޅު އުތުރުބުރި ކަނޑުހުޅުދޫއަށް ވަޑައިގެންފިއެވެ.
ރައީސުލްޖުމްހޫރިއްޔާ ކަނޑުހުޅުދޫއަށް ވަޑައިގަތުމުން އެ ރަށުން ވަނީ އެމަނިކުފާނަށް ހޫނު މަރުހަބާއެއް ކިޔާފައެވެ.
ރައީސުލްޖުމްހޫރިއްޔާ ހުވަދު އަތޮޅަށް މިހާރު ކުރައްވަމުން ގެންދަވާ ދަތރުފުޅުގައި އެ އަތޮޅުގެ 9 ރަށަކަށް ވަޑައިގަންނަވާނެއެވެ. ކަނޑުހުޅުދޫއަކީ ހުވަދުއަތޮޅަށް ރައީސުލްޖުމްހޫރިއްޔާ ކުރައްވާ ދަތުރުފުޅުގައި ވަޑައިގަންނަވާ 6 ވަނަ ރަށެވެ.
އިއްޔެ ފެއްޓެވި މި ދަތުރުފުޅުގައި އިއްޔެ ރައީސް ވަނީ ހުވަދުއަތޮޅު ދެކުނުބުރީގެ ރަށްތަކަށް ވަޑައިގެންފައެވެ. އެގޮތުން ހޯނޑެއްދޫއަށާއި ނަޑެއްލާއަށާއި ވާދޫ އަދި ފިޔޯރީއަށް ވަޑައިގެންފައެވެ. އަދި މިއަދު ރަތަފަންދޫއަށްވަނީ ވަޑައިގެންފައެވެ.
ކަނޑުހުޅުދޫއަށް ވަޑައިގެން އެރަށު ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިތުރުން ރަށުގެ ރައްޔިތުންނާ ބައްދަލުކުރެއްވުމަށް ވަނީ ހަމަޖެހިފައެވެ. އަދި އެ ރަށުގައި ބީއެމްއެލް އޭޓީއެމް ގާއިމްކުރުމުގެ އެއްބަސްވުމުގައި ސޮއި ކުރުމަށްވެސް ވަނީ ހަމަޖެހިފައެވެ.
ކަނޑުހުޅުދޫގެ އިތުރުން ހުވަދުއަތޮޅު އުތުރުބުރި، ނިލަންދޫ، މާމެންދޫ އަދި ދެއްވަދޫއަށްވެސް ރައީސް ވަޑައިގަންނަވާނެއެވެ.