2024: އަސްކަރިއްޔާ ވަރުގަދަކޮށް، ބޮޑެތި ކުރިއެރުންތަކެއް ގެނުވި އަހަރެއް

ކޮންމެ ޤައުމުއްގެވެސް ޤައުމީ ދިފާޢީ ބާރަކީ އެޤައުމެއްގެ އެންމެ މުހިންމު އައްޑަނައެވެ. ޤައުމުގެ މިނިވަންކަމާއި ސިޔާދަތު ދެމެހެއްޓުމުގެ އެންމެ ބޮޑު ޒިންމާއެއް އުފުލާ ބަޔަކީ ދިފާޢީ ބާރެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އެންމެ މުހިންމު އެއް ސިޔާސަތަކީ ދިވެހިރާއްޖޭގެ ކަންކަން ބެލެހެއްޓުމުގެ ޒިންމާ އެހެން ޤައުމުތަކަށް ބަރޯސާނުވެ، ދިވެހީން އަމިއްލައަށް ބެލެހެއްޓުމެވެ. އެކަމަށްޓަކައި ކުރެއްވި އެންމެ މުހިންމު އެއް މަސައްކަތަކީ އެތައް އަހަރެއްވަންދެން ރާއްޖޭގައި ޤާއިމްވެ ތިބި އިންޑިއާގެ ސިފައިން އަނބުރާ ޤައުމަށް ފޮނުވާލުމެވެ. މިކަން ހާސިލްކޮށްފައިވަނީ ޑިޕްލޮމަސީގެ ރިވެތި އުސޫލުން، ހަރުދަނާ ޚާރިޖީ ސިޔާސަތުގެ ތެރެއިންނެވެ.

ދިފާޢީ ބާރުގެ ޤާބިލުކަން އިތުރުކުރުން

ދިވެހިރާއްޖޭގެ ދިފާޢީ ބާރުގެ ގާބިލިއްޔަތު އިތުރު ކުރުމަށް ގެންނެވި ބަދަލުތަކުގެ ތެރޭގައި 15 މާރޗް 2024ގައި ރައީސުލްޖުމްހޫރިއްޔާ އަދި ސިފައިންގެ އެންމެ މަތީވެރިޔާ ޑރ. މުޙައްމަދު މުޢިއްޒު ވަނީ އެމްއެންޑީއެ އެއަރކޯ އުފައްދަވާފައެވެ. އެއަރ ކޯއާއާއި، އަންމޭންޑް އޭރިއަލް ވެހިކަލްސްއާއެކު ރާއްޖޭގެ ވައިގެ ސަރަހައްދު ފުރަތަމަ ފަހަރަށް 24 ގަޑިއިރު ބަލަހައްޓަން ވަނީ ފަށާފައެވެ. ދިވެހިރާއްޖޭގެ މިނިވަންކަމާއި ސިޔާދަތާއި އިސްތިޤްލާލް ހިމާޔަތްކޮށް ދިފާޢުކުރުމަށްޓަކައި ދިވެހި އަސްކަރިއްޔާއިން ކުރިއަށްގެންދާ ހުރިހާ އޮޕަރޭޝަނެއްގައިވެސް މި އުޅަނދުފަހަރު ދަނީ ބޭނުން ކުރަމުންނެވެ.

މިދިޔަ އަހަރު އެމްއެންޑީއެފްއިން ވައިގެ ބަހާއެއް އުފައްދަވާފައިވާއިރު، ނޮވެމްބަރު މަހު ވަނީ ސިފައިންގެ ސްޕެޝަލް ބޯޓް ސްކޮޑްރަންވެސް އުފައްދަވާފައެވެ. މިއީ ކަނޑުމަތީގެ ޚާއްސަ ބޮޑެތި އޮޕަރޭޝަންތަކުގައި ހަރަކާތްތެރިވުމަށް މުޅިން އަލަށް އުފެއްދެވި އަސްކަރީ ޔުނިޓެކެވެ.

ދިފާޢީ ވުޒާރާއިން ވަނީ ރާއްޖޭގައި ފުރަތަމަ ފަހަރަށް އެމްއެންޑީއެފްގައި އެއަރ ޑިފެންސް ނިޒާމެއް ޤާއިމުކުރުމަށް މުޅިރާއްޖޭގެ ސަރަޙައްދު ހިމާޔަތްކުރެވޭނެ ކޮންސެޕްޓެއްވެސް ތައްޔާރުކުރައްވާފައެވެ. މީގެ އިތުރުންވެސް ޤައުމީ ފެންވަރެއްގެ ޚިދުމަތްތައް ފުޅާކުރުމުގެ އެތަކެއް މަސައްކަތްތަކެއް ކުރައްވާފައިވެއެވެ.

މީގެ ތެރޭގައި ކަނޑުމަގުން ރާއްޖޭގެ ސަރަހައްދު ބެލެހެއްޓުމުގެ ގާބިލުކަން އިތުރުކުރުމަށް ގިނަ މަސައްކަތްތަކެއް ސަރުކާރުން ކޯސްޓުގާޑު މަސައްކަތް ފުޅާކުރުމަށް ދަނީ، މަސައްކަތް ކުރަމުންނެވެ. އެގޮތުން، ދިފާޢީ ވުޒާރާއިން ވަނީ މިއަހަރުގެ ތެރޭގައި "ނޭޝަނަލް މެރިޓައިމް ސެކިއުރިޓީ ސްޓްރެޓެޖީ" އަކާއި "ނޭޝަނަލް ޑިފެންސް ސްޓްރެޓެޖީ" އެކުލަވައިލުމުގެ މަސައްކަތްވެސް ދިފަޢީ ވުޒާރާއިން ކޮށްފައިވެއެވެ.

ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމުގައިވެސް ދިވެހި އަސްކަރިއްޔާ ދަނީ ނަމޫނާ ދައްކަމުންނެވެ.
ދިފާޢީ ބާރުން މިދިޔަ އަހަރު ތެރޭ ކޮށްފައިވާ އެހެން މަސައްކަތްތަކުގައި ވިއްސާރައިގެ ފެންބޮވުމުގެ ސަބަބުން ފެން ހިންދުމުގެ މަސައްކަތް ކޮށްފައިވެއެވެ. އަދި މާލެ މަގުތަކުގައި ފެންބޮޑުވުން ޙައްލުކުރުމަށްވެސް ގިނަ މަސައްކަތްތަކެއް ކުރިއަށް ގެންދެވިއެވެ.

ރާއްޖޭގެ ކަނޑުތަކުގެ ޗާޓު ކުރުމަށް އިންޑިއާއެކު އޮތް އެއްބަސްވުން ސަރުކާރުން ވަނީ ނިމުމަކަށް ގެނެސްފައެވެ. ދިވެހި އަސްކަރިއްޔާއިން އަމިއްލައަށް ހައިޑްރޯގްރަފިކް ސަރވޭގެ މަސައްކަތަށް ކުރުމަށް ބޭނުންވާ އާލާތްތައް ހޯދުމުގެ މަސައްކަތް މިހާރު ދަނީ ކުރަމުންނެވެ. އަދި އިންޓަރނޭޝަނަލް ހައިޑްރޯގްރަފިކް އޯގަނައިޒޭޝަންގެ މެންބަރު ޤައުމަކަށްވުމުގެ މަސައްކަތްވެސް ދިފާޢީ ވުޒާރާގެ ދަށުން އަންނަނީ ކުރަމުންނެވެ.

ދިފާޢީ ދާއިރާގެ ތެރެއިން، އެވިއޭޝަން ސެކިއުރިޓީއާއި ގުޅުންހުރި މުހިންމު މަސައްކަތްތަކެއްވެސް މިއަހަރު ކުރެވިފައިވެއެވެ. އޭގެ ތެރޭގައި މައުލޫމާތުއެއްކޮށް ދިރާސާ ކުރާނެ ހަރުދަނާ ނިޒާމެއް ވަނީ ޤާއިމްކުރެވިފައެވެ. މިގޮތުން އައިކާއޯގެ ކަމާބެހޭ އެނެކްސްތަކާ އެއްގޮތްވާގޮތުގެ މަތިން ނޭޝަނަލް ސިވިލް އޭވިއޭޝަން ސެކިއުރިޓީ ޓްރޭނިންގ ޕޮލިސީ އަދި ނޭޝަނަލް ސިވިލް އޭވިއޭޝަން ސެކިއުރިޓީ ކޮލިޓީ ކޮންޓްރޯލް ޕްރޮގްރާމް މުރާޖާކޮށް ގެންނަންޖެހޭ އިސްލާޙްތައް ގެނެސް އެ ޕްރޮގްރާމް މިހާރު ވަނީ ފާސްކޮށްފައެވެ.

މިވޭތުވެދިޔަ އަހަރީ ދިވެހިންގެ މިނިވަންކަން ކަށަވަރުކުރުމަށް ރައީސުލްޖުމްހޫރިއްޔާ ވެވަޑައިގެންނެވި ވަޢުދުތައް ފުއްދެވި އަހަރެކެވެ. ސަރުކާރުގެ އެންމެ މުހިންމު އަމާޒަކީ ޤައުމުގެ ސިޔާދަތާއި އިސްތިޤްލާލު ދަމަހައްޓާ އެހެން ޤައުމަކަށް ބަރޯސާނުވަ ދިވެހިންނަށް ކުރެވޭ ގޮތް ހެދުމެވެ.