ޚަބަރު
ތިމަރަފުށީ ގެއަކަށް ވަދެ މާރާމާރީ ހިންގި މައްސަލައިގައި 5 މީހަކު ހައްޔަރުކޮށްފި
-
މި މައްސަލަ ފުލުހުންނަށް ރިޕޯޓްކުރީ މިމަހު 28 ގައި
-
މި އެންމެންވެސް ހައްޔަރުކޮށްފައިވަނީ ކޯޓު އަމުރެއްގެ ދަށުން
މާރާމާރީ މައްސަލައިގައި ހައްޔަރު ކުރި މީހުން / ފޮޓޯ: ޕޮލިސް
ތ. ތިމަރަފުށީގެ ގެއަކަށް ވަދެ މާރާމާރީއެއް ހިންގި މައްސަލައިގައި 5 މީހަކު ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ވިދާޅުވީ، ތ. ތިމަރަފުށީ ގެއަކަށް 5 މީހުން ވަދެ މާރާމާރީ ހިންގި މައްސަލަ ރިޕޯޓުކޮށްފައިވަނީ އިއްޔެ މެންދުރުފަހު 1:27 ހާއިރުކަމަށެވެ.
މި މައްސަލައިގައި ހައްޔަރު ކޮށްފައިވަނީ އެ ރަށު ޖަހާމުގުރިގެ، އަހުމަދު އަމީން (36އ)، އާއި ސަލްވާ، އަހްމަދު ޝަހުދީ ( 38އ)، އާއި ހިރި، ޢާޞް އިބްރާހިމް (32އ)، އާއި ގުލްބަކާވިލާ، ޢަބްދުﷲ އަޝްރަފް (39އ) ގެ އިރުތުން ވިލިމާލޭ ވަވަތް، މުހަންމަދު ރައޫފު (54އ)އެވެ. މި ފަސް މީހުންވެސް ހައްޔަރު ކޮށްފައިވަނީ ކޯޓު އަމުރެއްގެ ދަށުންނެވެ.
މި މައްސަލަ ދިވެހި ފުލުހުންގެ ޚިދުމަތުން އަންނަނީ އިތުރަށް ތަޙުޤީޤުކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ