މާލޭގެ ގެއަކުން މަރުވެފައި އޮތް މީހަކު ފެނިއްޖެ

ގަލޮޅުގެ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ.

ދިވެހި ފުލުހުންގެ ޚިދުމަތުން ވިދާޅުވީ ގަލޮޅުގެ ގެއެއްގައި ޚަބަރު ހުސްވެފައި މީހަކު އޮތްކަމުގެ ރިޕޯޓް ރޭ ދަންވަރު 1:27 ހާއިރު ލިބިފައިވާ ކަމަށެވެ. އެ މީހާ އައިޖީއެމްއެޗަށް ގެންދިޔައިރުވެސް މަރުވެފައިވާކަމަށް ހޮސްޕިޓަލުން މައުލޫމާތު ދީފައިވާކަމަށް ފުލުހުން ވިދާޅުވިއެވެ.

ފުލުހުން ވިދާޅުވި ގޮތުގައި މަރުވެފައި އޮތްވާ ފެނިފައިވަނީ ގ. ބިއުޓީ ވިލާ، އުމުރުން 45 އަހަރުގެ ދާވޫދު ޖިމްރީޒުއެވެ.
މި މައްސަލަ ފުލުހުން ގެންދަނީ އިތުރަށް ތަހުގީގު ކުރައްވަމުންކަމަށް ފުލުހުން ވިދާޅުވިއެވެ.

ރޭ ދަންވަރު މާލޭގެ ގެއަކުން މަރުވެފައި އޮތް މީހަކު ފެނިފައިވާއިރު އިއްޔެ ހަވީރުވެސް ގަލޮޅުގެ ގެއަކުން މަރުވެފައި އޮތް މިހާކު ވަނީ ފެނިފައެވެ. އޭނާ ފެނިފައިވަނީ އިއްޔެ ހަވީރު 5:02 ހާއިރުއެވެ.

އިއްޔެ ހަވީރު މަރުވެފައި އޮތްވާ ފެނުނީ ގ. ފަރެސް ލައިޓް އުމުރުން 35 އަހަރުގެ އަލީ ރަޝީދުއެވެ.

މި މައްސަލަވެސް ފުލުހުން ގެންދަނީ ތަހުގީގު ކުރައްވަމުންނެވެ.