ސަރުކާރަށް ތުހުމަތުވާ ކޮރަޕްޝަނެއް ތަހުޤީޤުކުރަން ކެރިވަޑައިގަތް ހަމައެކަނި ވެރިޔަކީ ރައީސް މުޢިއްޒު: ވަޒީރު ޝިޔާމް
-
ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ރައީސް ދަނީ ފިޔަވަޅު އަޅުއްވަމުންކަން ވަޒީރު ފާހަގަކުރެއްވި
ވެރިކަމުގައި ހުންނަވައިގެން ސަރުކާރަށް ތުހުމަތުވާ ކޮރަޕްޝަނެއް ތަހުޤީޤީކުރަން ކެރިވަޑައިގަތް ހަމައެކަނި ވެރިޔަކީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވަޒީރު ޝިޔާމް ވިދާޅުވީ، ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅުއްވުމަކީ މީގެކުރިން އެއްވެސް ރައީސަކު ވެރިކަމުގައި ހުންނަވައިގެން ކުރަން ކެރިވަޑައިގެންނެވި ކަމެއް ނޫންކަމަށެވެ. އެހެންކަމުން ވެރިކަމުގެ ފުރަތަމަ ދުވަހުންފެށިގެންވެސް ރައީސް ޑރ. މުޙައްމަދު މުއިއްޒު ގެންދަވަނީ ކޮރަޕްޝަނާއި ވައްކަމާ ދެކޮޅަށް ތަފާތު ދައްކަވަމުންކަމަށް ވަޒީރު ވިދާޅުވިއެވެ.
ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅުއްވުމަކީ މީގެކުރިން އެއްވެސް ރައީސަކު ވެރިކަމުގައި ހުންނަވައިގެން ކުރައްވަން ކެރިވަޑައިގެންނެވި ކަންކަމެއް ނޫން.… pic.twitter.com/RsSEi68BsV
— Ahmed Shiyam (@Shiyamaldives) December 19, 2024
ވަޒީރު ވިދާޅުވީ، ކޮރަޕްޝަނާއި ވައްކަމާއި ދެކޮޅަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ދައްކަވާ ވާހަކަފުޅާއި އަމަލު ދިމާކުރައްވާނެކަމަށެވެ. އަދި ދިވެހި ރައްޔިތުންގެ މުދަލާއި ފައިސާއަށް ޚިޔާނާތްތެރިވާކަށް އެއްވެސް ފަރާތަކަށް އެމަނިކުފާނު ކުޑަވެސް ޖާގައެއް ނުދެއްވާނެކަން ސާބިތުކޮށްދެއްވަމުން ގެންދަވާކަމަށްވެސް ވަޒީރު ޝިޔާމް ވިދާޅުވިއެވެ.