އިނގިރޭސި ޕްރިމިއާ ލީގުގައި ރޭ ވެސްޓް ހޭމް ޔުނައިޓެޑާއި ބޯންމަތު ބައްދަލުކުރި މެޗުގެ ފަހު ތިން މިނިޓުގެ ތެރޭގައި ފެނިގެންދިޔަ ލަނޑު ތަކާއެކު 1-1 ގެ ނަތީޖާއަކުން ދެ ޓީމު އެއްވަރުވެއްޖެ އެވެ.
މި މެޗު އެއްވަރުވެފައިވާއިރު ބޯމްމަތުއަށް ވަނީ މިހާތަނަށް ކުޅުނު 16 މެޗުން 25 ޕޮއިންޓާއެކު ތާވަލުގެ 6 ވަނަ މަގާމް ލިބިފަ އެވެ. 14 ވަނައިގައި އޮތް ވެސްޓް ހޭމް އަށް ލިބިފައިވަނީ 19 ޕޮއިންޓެވެ.
ބޯންމަތުގެ ވައިޓަލިޓީ ސްޓޭޑިއަމްގައި 11 ހާހަށްވުރެ ގިނަ މީހުންގެ ކުރިމަތީގައި ކުޅުނު މި މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ކާމިޔާބު ކުރެވިފައިނުވި ނަމަވެސް ދެ ޓީމަށްވެސް ވަނީ ލަނޑު ޖަހާނެ ރަގަޅު ފުރުސަތުތަކެއް ލިބިފަ އެވެ.
އެސްޓަން ވިލާގެ އެއްވަނަ ފޯވަޑް މިކޭލް އެންޓޯނިއޯ މިދިޔަ ހަފްތާގައި ދުއްވާފައިދިޔަ ކާރު އެކްސިޑެންޓްވެ އޭނާއަށް ލިބިފައިވާ ސީރިއަސް އަނިޔާތުގެ ސަބަބުން އަލުން ކުޅުމުގެ ތެރެއަށް އާދެވޭނެ ދުވަހެއް އެނގިފައިނުވާއިރު, އެ ޓީމުގެ ފޯވަޑް ލައިންގައި މިހާރު އެންމެ މުހިންމު ދައުރެއް އަދާކުރަން ޖެހޭ ކުޅުންތެރިއަކީ ޖެރޮޑް ބޮވެން އެވެ.
މި މެޗުގައި ފުރަތަމަ ލަނޑު ޖަހާ ކުރި ހޯދާފައިވަނީ މެޗުގެ 87 ވަނަ މިނިޓުގައި ވެސްޓްހޭމް އަށް ލިބުނު ޕެނަލްޓީ އަކުން އެ ޓީމުގެ ލޫކަސް ޕަކޭޓާ އެވެ. އެއީ އާރޮން ވެންބިސާކާ ނަގައިދިން ހުރަސް ޓައިލަ އެޑަމްސްގެ އަތުގައި ޖެހިފައިވާތީ ވީޑިއޯ ބެލުމަށްފަހު ރެފްރީ ދީފައިވާ ޕެނަލްޓީ އެކެވެ.
ނަމަވެސް ވެސްޓްހޭމް އިން މި ލަނޑު ޖެހިތާ ތިން މިނިޓް ފަހުން މެޗުގެ ފުރިހަމަ ވަގުތުގެ ފަހު މިނިޓުގައި ބޯންމަތުގެ އެނެސް އުނާލް ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފަ އެވެ. މި ލަނޑަކީ އޭރިޔާ ބޭރުން އޭނާ ކާމިޔާބުކޮށްފައިވާ ރީތި ލަނޑެކެވެ.