ޚަބަރު
ތައިލެންޑުގައި ހުންނަވާ ރާއްޖޭގެ ސަފީރުކަމަށް، ފުއާދު ތައުފީޤް ޢައްޔަންކުރައްވައިފި
-
ފުވާދު ކުރިން ހުންނެވީ އެމްބެސެޑަރ އެޓް ލާޖްގެ މަގާމުގައި
-
ފުވާދު ވަނީ އީސީގެ ރައީސްގެ މަގާމުވެސް އަދާކުރައްވާފައި
ރައީސް، ފުވާދުއާ މަގާމު ހަވާލުކުރައްވަނީ/ ފޮޓޯ: ރައީސް އޮފީސް
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ކިންގްޑަމް އޮފް ތައިލެންޑަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް، ފުވާދު ތައުފީޤް ޢައްޔަންކުރައްވައިފިއެވެ.
ފުވާދުއާ މަޤާމުގެ ފަތްކޮޅު ރައީސުލްޖުމްހޫރިއްޔާ ހަވާލުކުރެއްވީ އެކަމަށްޓަކައި މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތުގައެވެ.
ފުއާދު ތައުފީޤު ތައިލެންޑަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް، ޢައްޔަނުކުރެއްވުމުގެ ކުރިން ހުންނެވީ ޚާރިޖީ ވުޒާރާގެ އެމްބަސެޑަރ އެޓް ލަރޖްގެ މަޤާމުގައެވެ.
ފުވާދު ތައުފީގު ވަނީ އިލެކްޝަންސް ކޮމިޝަންގެ ރައީސްކަމުގެ މަޤާމުވެސް ފުރުއްވާފައެވެ. އެ މަޤާމުން ވަކިވެވަޑައިގެންނެވީ މަޤާމުގެ ދައުރު ހަމަވުމުން މިދިޔަ މަހުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ