ފަތުވެރިކަމާ ބެހޭ ވުޒާރާއިން ބާއްވާ ޢާއިލީ ހަވީރެއް މާދަމާ ހުޅުމާލޭގައި

ފަތުވެރިކަމުގެ ވުޒާރާއިން ބާއްވާ ޢާއިލީ ހަވީރެއް މާދަމާ ހުޅުމާލޭގައި ފޭސް އެކެއްގައި ބާއްވަން ނިންމައިފިއެވެ.

ފަތުރުވެރިިކަމާއި ބެހޭ ވުޒާރާއިން ވިދާޅުވީ، ވޭތުވެދިޔަ އެއް އަހަރުތެރޭ ފަތުރުވެރިކަމާއި ބެހޭ ވުޒާރާއިން ހާސިލްކޮށްފައިވާ ކާމީިޔާބީތައް ފާހަގަކުރުމުގެ ގޮތުން ބާއްވާ ޢާއިލާ ހަވީރެކެވެ. މި ޢާއިލީ ހަވީރުގެ ހަރަކާތްތައް އިންތިޒާމްކޮށްފައިވަނީ ދެމެހެއްޓެނިވި ފަތުރުވެރިކަމަށެވެ.

ހުޅުމާލޭ ފޭސް 1 ގައި ދިރާގު އެންޓެނާއާ ދިމާ ބީޗް ސަރަހައްދުގައި ބާއްވާ މިޢާއިލީ ހަވީރު، އޮންނާނީ ހުކުރު ދުވަހު ހަވީރު 4:00 އިން 6:00 އަށެވެ.

މިހަވީރުގައި ކުރިއަށް ގެންދާ ހަރަކާތްތަކުގެ މައިގަނޑު ތީމަކީ ގުދުރަތީ ވެއްޓާއި ކަނޑެވެ. އެގޮތުން މިތީމަށް ކުރެހުމާއި، ކްރާފްޓް އެކްޓިވިޓީތަކާއި، އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ކުރާ ހަރަކާތްތައް މިހަވީރުގައި ކުރިއަށްދާނެއެވެ. މީގެ އިތުރުން ބަނާނާ ބޯޑާއި، ޖެޓް ސްކީ އާއި ފަން ޓިއުބް ހަރަކާތްވެސް ކުރިއަށް ގެންދާނެއެވެ.