ކޮމަންވެލްތުގެ އައު ސެކްރެޓަރީ ޖެނެރަލަށް ނައިބު ރައީސް މަރުޙަބާ ވިދާޅުވެއްޖެ

ކޮމަންވެލްތުގެ ސެކްރެޓަރީ ޖެނެރަލްގެ މަގާމަށް އައްޔަންކުރެއްވި ގާނާގެ ޚާރިޖީ ވަޒީރު ޝަރލީ އަޔޯރކޯރ ބޮޗްވޭއަށް ރައީސުލްޖުމްހޫރިއްޔާގެ ނައިބު އަލްއުސްތާޛް ހުސައިން މުޙައްމަދު ލަތީފް މަރުޙަބާ ވިދާޅުވެއްޖެއެވެ.

ކޮމަންވެލްތުގެ އައު ސެކްރެޓަރީ ޖެނެރަލަށް މަރުޙަބާ ވިދާޅުވެ ރައީސުލްޖުމްހޫރިއްޔާގެ ނައިބު ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ ކޮމަންވެލްތުގެ ޤައުމުތަކުގެ ލާބައާއި މަންފާއަށް ދިވެހި ސަރުކާރުން ގުޅިގެން މަސައްކަތް ކުރައްވާނެ ކަމަށެވެ.

Congratulations to Hon. @AyorkorBotchwey on being selected as the next @commonwealthsec Secretary General at #CHOGM2024. The Government is committed to working closely with you for the betterment of #Commonwealth nations during your tenure. pic.twitter.com/6WGHhlsPBr

— Hussain Mohamed Latheef (@HucenSembe) October 26, 2024

ރައީސުލްޖުމްހޫރިއްޔާގެ ނައިބުގެ އިތުރުން ޚާރިޖީ ވަޒީރު ޑރ. އަބްދުﷲ ޚަލީލުވެސް ވަނީ ކޮމަންވެލްތުގެ ސެކްރެޓަރީ ޖެނެރަލްގެ މަގާމާ އަލަށް ހަވާލުވެވަޑައިގެންނެވި ގާނާގެ ޚާރިޖީ ވަޒީރަށް މަރުހަބާ ވިދާޅުވެފައެވެ. އެކަމަނާގެ ދައުރުގައި ދިވެހިރާއްޖޭން ކޮމަންވެލްތަށް ފުރިހަމަ އެއްބާރުލުން ދެއްވާނެ ކަމުގެ ޔަގީންކަން ދެއްވާކަމަށްވެސް ވަޒީރު ވިދާޅުވިއެވެ.

Warmest congratulations to the Minister of Foreign Affairs and Regional Integration of #Ghana, Shirley @AyorkorBotchwey, on being elected as the 7th Secretary-General of the @commonwealthsec.

The #Maldives reiterates its commitment of strong support during your tenure as… pic.twitter.com/DouvzJqvUM

— Abdulla Khaleel (@abkhaleel) October 25, 2024

ކޮމަންވެލްތުގެ ސެކްރެޓަރީ ޖެނެރަލްގެ މަގާމަށް ޝަރލީ އަޔޯރކޯރ ބޮޗްވޭ އައްޔަން ކުރައްވާފައިވަނީ ސަމޯއާގައި ނިމުނު ހަފުތާގައި ކުރިއަށްދިޔަ "ކޮމަންވެލްތު ހެޑްސް އޮފް ގަވަރމަންޓް މީޓިން"ގައެވެ. މެންބަރު ޤައުމުތަކުގެ އިސްވެރިން ބައިވެރިވެވަޑައިގެންނެވި މި ބައްދަލުވުމުގައި ރާއްޖެ ތަމްސީލްކުރެއްވީ ރައީސުލްޖުމްހޫރިއްޔާގެ ނައިބު އަލްއުސްތާޛް ހުސައިން މުޙައްމަދު ލަތީފެވެ.