ވޭޕް މަނާކުރުމަށް ނިންމެވުމަކީ ވަރަށް ރަނގަޅު ނިންމެވުމެއް: ކުރީގެ ހެލްތު މިނިސްޓަރ

ރާއްޖޭގައި ވޭޕް މަނާކުރުމަށް ރައީސުލްޖުމްހޫރިއްޔާ ނިންމެވި ނިންމެވުމަކީ ވަރަށް ރަނގަޅު ނިންމެވުމެއްކަމަށް ކުރީގެ ހެލްތު މިނިސްޓަރ އަހްމަދު ނަސީމް ވިދާޅުވެއްޖެއެވެ. ނަސީމް މިހެން ވިދާޅުވީ ސޯޝަލް މީޑިއާގައި ކުރެއްވި ޕޯސްޓެއްގައެވެ.

ސޯޝަލް މީޑިއާގައި ކުރެއްވި ޕޯސްޓުގައި ކުރީގެ ހެލްތު މިނިސްޓަރ އަހްމަދު ނަސީމް ވިދާޅުވީ ވޭޕް މަނާކުރުމަށް ނިންމެވުމަކީ ވަރަށް ރަނގަޅު ނިންމެވުމެއް ކަމަށެވެ.

An excellent decision https://t.co/7TH4PP24YQ

— Ahmed Naseem (@KerafaNaseem) October 14, 2024

ކުރީގެ ހެލްތު މިނިސްޓަރ މިހެން ވިދާޅުވެފައިވާއިރު ކުރީގެ ކުރީގެ ޔޫތު މިނިސްޓަރު އަޙުމަދު މަޙުލޫފުވެސް ވަނީ ރައީސުލްޖުމްހޫރިއްޔާގެ ނިންމެވުން ރަނގަޅުކަމަށް ވިދާޅުވެފައެވެ.

މަޙުލޫފު ވިދާޅުވީ މަސްތުވުމާއި ދުންފަތުގެ އިސްތިއުމާލުކުރުމުގެ ވަބާގައި ޖެހިފައިވާ އެތައް ޒުވާނުންނެއް އަދި އެތައް ކުޑަކުދިންނެއް މިއަދު ރާއްޖޭގައި ތިބިކަމީ ހަގީގަތެއްކަމަށާއި ޚާއްސަކޮށް ވޭޕުކުރާ ކުޑަކުދިން އިންތިހާއަށް އިތުރުވާކަން، ސުކޫލުތަކުން ހޯދާ ވޭޕުގެ އަދަދުތަކުން ޔަގީންވާކަމަށެވެ.

އަދި ވޭޕު ކުރުން ހުއްޓުވުމުގެ މަޤުސަދުގައި، ވޭޕުކުރަން ބޭނުންކުރާ ސާމާނާއި އޭގެ ވަކިވަކި ބައިތައް އެތެރެކުރުން ހުއްޓުވުމަށް ރައީސުލްޖުމްހޫރިއްޔާ ޑރ. މުޢިއްޒު ނިންމެވި ނިންމުމަކީ ރަނގަޅު ކަމެއްކަމަށްދެކި މަރުޙަބާ ކިޔާކަމަށް މަޙުލޫފު ވިދާޅުވިއެވެ.

މަސްތުވުމާއި ދުންފަތުގެ އިސްތިއުމާލުކުރުމުގެ ވަބާގައި ޖެހިފައިވާ އެތައް ޒުވާނުންނެއް އަދި އެތައް ކުޑަކުދިންނެއް މިއަދު ރާއްޖޭގައި ތިބިކަމީ ހަގީގަތް. ހާއްސަކޮށް ވޭޕުކުރާ ކުޑަކުދިން އިންތިހާއަށް އިތުރުވާކަން، ސުކޫލުތަކުން ހޯދާ ވޭޕުގެ އަދަދުތަކުން ޔަގީންވޭ.

ވޭޕު ކުރުން…

— Ahmed Mahloof (@AhmedMahloof) October 14, 2024

ވޭޕް މަނާކުރުމަށް ރައީސުލްޖުމްހޫރިއްޔާ ނިންމެވުމާއި ގުޅިގެން މޯލްޑިވްސް ކަސްޓަމްސް ސަރވިސަސްއިން ވިދާޅުވީ ރައީސްގެ ނިންމެވުން ތަންފީޒުކުރުމަށްޓަކައި ކަސްޓަމްސްއިން ހަމަޖައްސަންޖެހޭ އިންތިޒާމްތައް ހަމަޖެއްސުމާއި އަދި ވާންޖެހޭ ތައްޔާރީތައްވުމުގެ ކަންކަން ކުރިއަށްދާ ކަމަށެވެ.

ރައީސުލްޖުމްހޫރިއްޔާ @MMuizzu ގެ ނިންމެވުން ތަންފީޒުކުރުމަށްޓަކައި ކަސްޓަމްސްއިން ހަމަޖައްސަންޖެހޭ އިންތިޒާމްތައް ހަމަޖެއްސުމާއި އަދި ވާންޖެހޭ ތައްޔާރީތައްވުމުގެ ކަންކަން ކުރިޔަށް ގެންދާނެ ވާހަކަ ދަންނަވަން. https://t.co/LoDEMeHjf0

— Maldives Customs Service (@CustomsMv) October 14, 2024

ރާއްޖޭގެ ވޭޕް ކުރާ މީހުންގެ އަދަދު އަންނަނީ ދުވަހެއް ދުވަހަކަށް އިތުރުވަމުންނެވެ. ދުންފަތަށް ޒަމާނާއެއްގޮތަށް ބަދަލުއައިސް، މިހާރު ވޭޕާއި އީ-ސިނގިރޭޓް މަޤުބޫލުކަން ހޯދާފައިވާއިރު، މި ތަކެއްޗަކީ އެ ސިނާޢަތުން ދައުވާކުރާގޮތަށް، ގެއްލުން ކުޑަ ތަކެއްޗެއް ނޫނެވެ. އަދި މިތަކެއްޗަކީވެސް ގައިންގަޔަށް ނާރާ ނުރައްކާތެރި ބަލިތަކަށް މަގުފަހިކުރާ ތަކެއްޗެވެ.