ގެސްޓްހައުސަކަށް ފިރިހެނަކު ގެންގޮސް ގިނަ އަދަދެއްގެ ފައިސާ ފޭރުނު އަންހެނަކު ހައްޔަރުކޮށްފި

ގެސްޓްހައުސަކަށް ފިރިހެނަކު ގެންގޮސް ގިނަ އަދަދެއްގެ ފައިސާ ފޭރުނު އަންހެނަކު ހައްޔަރުކޮށްފިއެވެ.

ދިވެހި ފުލުހުންގެ ޚިދުމަތުން ވިދާޅުވީ މިދިޔަ މަހުގެ 26 ވަނަ ދުވަހުގެ ރޭ 9:30ހާއިރު އައިޖީއެމްއެޗް ކައިރިން ފިރިހެނަކު ހުއްޓުވައި ކޮޓަރިއަކަށް ދިއުމަށް ދައުވަތު ދިނުމަށްފަހު މާފަންނު މުރަނގަ މަގުގައި ހުރި ގެންސްޓްހައުސަކަށް ގެންގޮސް ފޭރުނު މައްސަލައެއް ރިޕޯޓް ކޮށްފައިވާ ކަމަށެވެ.

އަންހެން މީހާ އިތުރު ފިރިހެނަކާ ބައިވެރިވެ ރަހީނުކުރީ ދިވެހި ފިރިހެނެއް ކަމަށާއި އޭނާގެ ފޯނާއި ކޭޝް ކާޑު އަތުލުމަށްފަހު އޭނާގެ އެކައުންޓުން 53000 ރުފިޔާ ފޭރިފައިވާ ކަމަށް ފުލުހުން ވިދާޅުވިއެވެ.

މި މައްސަލައާ ގުޅިގެން ހައްޔަރުކޮށްފައިވަނީ ކުންނާރުގެ، އައްޑޫ ސިޓީ މަރަދޫ އުމުރުން 27 އަހަރުގެ ޢާއިޝަތު މަލްޖާ މޫސާދީދީއެވެ. އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ވިދާޅުވެއެވެ.

ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.