އޯ ލެވެލްގެ ގަދަ 10 ގެ ހަ ވަނަ މަގާމު ހާސިލުކޮށް، ރާއްޖޭގެ ރާޅާއެޅުންތެރިންގެ ޖޫނިއަރ ގައުމީ ޓީމުގެ ކެޕްޓަން ޞައްޔިދު ޞަލާހުއްދީން ނަމޫނާ ދައްކައިފިއެވެ.
މީގެކުރިން ރާޅާއެޅުންތެރިން އެންމެ ބޮޑަށް ފާހަގަކުރެވިފައި އޮންނަކީ ކިޔެވުމާއި ދުރު ބަޔަކު ކުޅޭ ކުޅިވަރެއްގެ ގޮތުގައެވެ. ނަމަވެސް ރާއްޖޭގެ ރާޅާއެޅުންތެރިން އައު ޖީލެއް އުފެދެމުން އަންނައިރު، އޭގެ ތެރޭގައި ޞައްޔިދު ޞަލާހުއްދީން ހިމެނުން ވެފައިވަނީ ގިނަ ބަޔަކު މި ކުޅިވަރާމެދު ދެކޭގޮތް ބަދަލުވި ކަމަކަށެވެ.
މިދިޔަ ހަފުތާގައި ދޫކުރަން ފެށި އޯ ލެވެލް ނަތީޖާ ނަތީޖާތައް ދައްކާގޮތުން އިސްކަންދަރު ސްކޫލުގައި ކިޔެވި ސައްޔިދު އޯ ލެވެލްގެ ގަދަ 10 ގެ ހަވަނަ ހޯދާފައިވަނީ އޭ ފާސްތަކުންނެވެ.
ސައްޔިދު ވަނީ އޯ ލެވެލް އިން ހަތަރު އޭ ސްޓާ، ތިން އޭ އަދި ބީ ފާހެއް ހޯދާފައެވެ. މީގެ ތެރޭގައި އިސްލާމް މާއްދާއިން އޭނާ އޭ ހޯދާފައިވެއެވެ. އަދި ގިނަ މާއްދާތަކުގެ ނަތީޖާ ވަރަށް ރަނގަޅެވެ.
އޭޝިއަން ސާފިން ޗެމްޕިއަންޝިޕުގެ ޖޫނިއާ ބައިގައި ވާދަކުރަން ތައްޔާރުވާ ސައްޔިދުގެ މި ކާމިޔާބީ ފާހަގަކުރަން ތުލުސްދޫގައި މިވަގުތު ތިބި ގައުމީ ރާޅާއެޅުންތެރިންގެ ޓީމުން ވަނީ ކުޑަ ހަފުލާއެއް ބާއްވާފައެވެ. މިކަން ރާއްޖޭގެ ރާޅާއެޅުންތެރިން ފާހަގަކޮށްފައިވަނީ އުފަލާއެކު އެވެ.
ޒުވާން ގައުމީ ސައްޔިދުގެ ކެޕްޓަންކަމުގެ ދަށުން އޭނާ ލީޑުކުރާ ޓީމުގައި ހިމެނެނީ ޔަސިން އަހުމަދު ނާޝިދު، ޔޫސުފް ކަޔާން ހަމްދާން ޒަކީ، ކަޔާން އަބްދުالله އަރީފް، އަހުމަދު ޒަޔާން އަދި މުހައްމަދު އިނާން އަބްދުލް ހަންނާނެވެ. މި އެތުލީޓުންގެ ކެޕްޓަނެއްގެ ގޮތުގައި ސައްޔިދަށް އޮތީ ބޮޑު ޒިންމާއެކެވެ.