މެލޭޝިއާގައި ކުރިއަށްދިޔަ، އިންޓަނޭޝަނަލް ކްރިކެޓް ކައުންސިލް (އައިސީސީ)ގެ ލެވެލް އެކެއްގެ އަމްޕަޔަރު ޓިއުޓާ ކޯސް ގައުމީ ކްރިކެޓް ޓީމުގެ އިބްރާހިމް ރިޒާން ފުރިހަމަކޮށްފިއެވެ.
މި ކޯހާއެކު އައިސީސީގެ އަމްޕަޔަރުކަމުގެ ބޭސިކް ޓްރެއިނިން ކޯސް އޭނާއަށް ރާއްޖޭގައި ކުރިއަށްގެންދެވޭނެ އެވެ. މިއީ ރާއްޖޭގެ ކްރިކެޓުގައި ޒުވާން އުމުރުގެ ގައުމީ ލެވެލްގެ ކުޅުންތެރިއަކު ހޯދި ބޮޑު ކާމިިޔާބެކެވެ.
ރިޒާން އަކީ މިހާރުވެސް އެކްޓިވް އަމްޕަޔަރެކެވެ. ކްރިކެޓް ބޯޑް އޮފް މޯލްޑިވްސް (ސީބީއެމް) އިން މައުލޫމާތު ދޭ ގޮތުގައި އޭނާ ދަނީ 2010 ވަނަ އަހަރުން ފެށިގެން އަމްޕަޔަރުކަން ކުރަމުންނެވެ. އެގޮތުން ބޮޑެތި މުބާރާތްތަކާއި ވަރުގަދަ މެޗުތަކުގައި ވެސް ރިޒާން ވަނީ އަމްޕަޔަރުކަން ކޮށްފައެވެ. އޭނާ ފާހަގަކުރެވެނީ ނިންމުން ނިންމުމުގައި ކުޅުންތެރިންނާއި އެސޯސިއޭޝަނުގެ އިތުބާރު ހޯދާފައިވާ މީހެއްގެ ގޮތުގައެވެ.
ކްރިކެޓު ގައުމީ ޓީމުގައިވެސް ރިޒާން އަކީ މުހިއްމު މެމްބަރެކެވެ. ބޮޑެތި މުބާރާތްތަކުގައި އޭނާ ވަނީ ގައުމީ ކްރިކެޓު ޓީމާއެކު ވާދަކޮށްފައެވެ. އަމްޕަޔަރުކަމަށް އޭނާ ޝައުގު އުފެދުނީ ކުޅުމުގެ ތެރެއިންނެވެ. އެގޮތުން އޭނާ ކްރިކެޓު އަމްޕަޔަރަކަށް ވާން ބޭނުންވީ ކްރިކެޓުގެ ގަވާއިދުތައް އެނގޭ ކުޅުންތެރިއަކަށް ވާން ބޭނުންވުމުންނެވެ.
ރިޒާން ވަނީ 2019 ވަނަ އަހަރު ޕާކިސްތާނުގައި ލެވެލް ދޭއްގެ އަމްޕަޔަރު ކޯސް ފުރިހަމަކޮށްފައެވެ. އަދި މި ކޯސް އޭނާ ފުރިހަމަކޮށްފައިވަނީ މެލޭޝިއާގައެވެ.