ލިކްޓަންސްޓައިންގެ ޤައުމީ ދުވަހުގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި

ލިކްޓަންސްޓައިންގެ ޤައުމީ ދުވަހުގެ ތަހުނިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވައިފިއެވެ.

އެމަނިކުފާނު ވަނީ ލިކްޓަންސްޓައިންގެ ޤައުމީ ދުވަހާ ގުޅުވައިގެން އެ ޤައުމުގެ ވަލީއަހުދު ޕްރިންސް ހާންސް އާދަމް 2 އަށާއި އެ ޤައުމުގެ ބޮޑުވަޒީރު އަދި މިނިސްޓަރ ފޯ ޖެނެރަލް ގަވަރމެންޓް އެފެއަރސް، މިނިސްޓަރ ފޯ ފައިނޭންސް އޮފް ދަ ޕްރިންސިޕަލިޓީ ޑެނިއަލް ރިޝްއަށް ވަކިވަކިން މެސެޖު ފޮނުއްވާފައެވެ.

ރައީސުލްޖުމްހޫރިއްޔާ ފޮނުއްވެވި މެސެޖުގައި ދުވަހުގެ ހެޔޮ އެދުމާއި ތަހުނިޔާ ފޮނުއްވިއެވެ.

ރައީސުލްޖުމްހޫރިއްޔާގެ މެސެޖު ލިކްޓަންސްޓައިންގެ ވަލީއަހުދާއި ބޮޑުވަޒީރަށް ދުޅަހެޔޮ ޞިއްޙަތަކަށް އެދިވަޑައިގެންނެވިއެވެ. އަދި، އެ ޤައުމުގެ ރައްޔިތުންނަށް ކުރިއެރުމާއި ފާގަތިކަން ލިބުމަށް އެދިވަޑައިގަންނަވާ ކަމަށްވެސް ވިދާޅުވިއެވެ.