ޚަބަރު
އެމްޑީޕީ ޤައުމީ މަޖިލީހުގެ ބައި-އިލެކްޝަންގައި 51 ވޯޓު ފޮށި ބަހައްޓާނެ
-
ރަށްރަށުގެ 9 ދާއިރާއަކަށާއި މާލެ ސަރަހައްދުގެ 17 ދާއިރާއަކަށް މެމްބަރުން އިންތިޚާބުކުރާނެ
-
މާލޭ ސަރަހައްދުގައި 27 ފޮށްޓެއް ބަހައްޓާނެ
އެމްޑީޕީގެ މަޖިލިސް ޕްރައިމަރީގެ ވޯޓުލުން/ ފޮޓޯ: ޢަލީ ނަޞީރު، ޕީއެސްއެމްނިއުސް
އެމްޑީޕީގެ ޤައުމީ މަޖިލީހުގެ ބައި-އިލެކްޝަނުގައި 51 ވޯޓު ފޮށި ބަހައްޓަން އެ ޕާޓީން ނިންމައިފިއެވެ.
އެޕާޓީގެ ޤައުމީ މަޖިލީހުގެ ބައި-އިލެކްޝަން ބާއްވާނީ އަންނަ އޯގަސްޓު މަހުގެ 2 ވަނަ ދުވަހުއެވެ. އިންތިޚާބު އޮންނާނީ އެދުވަހު 14:00 އިން ރޭގަނޑު 21:30 އާއި ހަމައަށެވެ.
މިބައި-އިލެކްޝަންގައި މާލޭ ސަރަހައްދުގައި 27 ފޮށްޓެއް ބަހައްޓާއިރު، ރަށްރަށުގައި 24 ފޮޓެއް ބަހައްޓާނެއެވެ. މިބައި-އިލެކްޝަންގައި ރަށްރަށުގެ 9 ދާއިރާއަކަށާއި މާލެ ސަރަހައްދުގެ 17 ދާއިރާއެއްގެ މެމްބަރުން އިންތިޚާބުކުރާނެއެވެ.
މި އިންތިޚާބަށް ކުރިމަތިލުމަށް ހުޅުވާލީ މި ހިނގާ ޖުލައި މަހުގެ 1 ވަނަ ދުވަހުއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ