ރައީސް ޞާލިހްގެ މަންމާފުޅު އަވަހާރަވުމުން ރައީސުލްޖުމްހޫރިއްޔާ ތަޢުޒިޔާ ވިދާޅުވެއްޖެ

ކުރީގެ ރައީސް އިބްރާހިމް މުޙައްމަދު ޞާލިހްގެ މަންމާފުޅު މުއުމިނާ ޙުސައިންފުޅު އަވަހާރަވުމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެވެ.

ތަޢުޒިޔާ ވިދާޅުވެ އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ ރައީސް އިބްރާހީމް މުޙައްމަދު ޞާލިޙްގެ ލޮބުވެތި މަންމާފުޅު މުއުމިނާ ޙުސައިންފުޅު އަވަހާރަވުމުގެ ހިތާމައިގައި ބައިވެރިވެވަޑައިގަންނަވާކަމަށެވެ. އަދި ރައީސް ޞާލިހްގެ ޢާއިލާއަށް ހިތުގެ އިޚްލާޞްތެރިކަމާއެކު ތަޢުޒިޔާ ދަންނަވައި، ޢާއިލާއަށް ކެތްތެރިކަން ދެއްވުން އެދި ރައީސުލްޖުމްހޫރިއްޔާވަނީ ދުޢާކުރައްވާފައެވެ.

إِنَّا ِلِلَّٰهِ وَإِنَّا إِلَيْهِ رَاجِعُونَ

ރައީސް އިބްރާހީމް މުޙައްމަދު ޞާލިޙްގެ ލޮބުވެތި މަންމާފުޅު މުއުމިނާ ޙުސައިންފުޅު އަވަހާރަވުމުގެ ހިތާމައިގައި ބައިވެރިވެ، އެމަނިކުފާނުގެ ޢާއިލާއަށް ހިތުގެ އިޚްލާޞްތެރިކަމާއެކު ތަޢުޒިޔާ ދަންނަވައި، ޢާއިލާއަށް ކެތްތެރިކަން ދެއްވުން އެދި… pic.twitter.com/LpATU1h0YN

— Dr Mohamed Muizzu (@MMuizzu) July 18, 2024

ރައީސުލްޖުމްހޫރިއްޔާ ވަނީ މާތްﷲގެ ތަނަވަސްވެގެންވާ ރަޙްމަތާއި ރުހިވޮޑިގަތުމާއި މަޣްފިރަތުގައި، ސުވަރުގޭގެ ދާއިމީ ނިޢުމަތުގައި މަރްޙޫމާ މުއުމިނާ ޙުސައިންފުޅު ލެހައްޓެވުމަށް އެދި ދުޢާ ކުރައްވާފައެވެ.

إِنَّا لِلَّٰهِ وَإِنَّا إِلَيْهِ رَاجِعُونَ

ރައީސް @ibusolih ގެ ލޮބުވެތި މަންމާފުޅު އަވަހާރަވި ޚަބަރު އެހީ ކުއްލި ހައިރާންކަމާއި ފުން ހިތާމައާއެކު،މާތްﷲ މައްޔިތާގެ ފުރާނަ ޖަންނަތުލް ފިރުދައުސްގައި ލައްވާށި! އަދި އާއިލާއަށް ކެތްތެރިކަން މިންވަރު ކުރައްވާށި! آمين pic.twitter.com/zkYK8NQQWT

— Hussain Mohamed Latheef (@HucenSembe) July 18, 2024

ކުރީގެ ރައީސް އިބްރާހިމް މުޙައްމަދު ޞާލިހްގެ މަންމާފުޅު އަވަހާރަވުމާއި ރައީސުލްޖުމްހޫރިއްޔާގެ ނައިބު އަލްއުސްތާޛް ޙުސައިން މުޙައްމަދު ލަޠީފްވެސް ވަނީ އެމަނިކުފާނުގެ ޢާއިލާއަށް ތަޢުޒިޔާ ވިދާޅުވެފައެވެ. ރައީސުލްޖުމްހޫރިއްޔާގެ ނައިބު ވިދާޅުވީ، ރައީސް ޞާލިޙްގެ ލޮބުވެތި މަންމާފުޅު އަވަހާރަވި ޚަބަރު އެއްސެވީ ކުއްލި ހައިރާންކަމާއި ފުން ހިތާމައާއެކުކަމަށެވެ.

ކުރީގެ ރައީސް، ރައީސް ޞާލިޙުގެ މަންމާފުޅު އަވަހާރަވުމާ ގުޅިގެން ރައީސް ޞާލިޙުއާއި ޢާއިލާއަށް ތައުޒިޔާ ދަންނަވައި ހެޔޮ ދުއާ ރައްދުކުރަން. ރައީސް ޞާލިޙުގެ މަންމާފުޅުގެ ޖަނާޒާގެ އެންމެހައި ކަމެއް އިސްލާމީ މަރުކަޒުގައި ކުރިއަށްދާނެ ވާހަކަ ވެސް ދަންނަވަން. ان شاء الله.

— Mohamed Shaheem Ali Saeed (@Mohamedshaheem1) July 18, 2024

ދައުލަތުގެ ވަޒީރުންނާއި ރައްޔިތުންގެ މަޖިލީހުގެ މެންބަރުވެސް އަންނަނީ ރައީސް ޞާލިހްގެ އާޢިލާއަށް ތަޢުޒިޔާ ފޮނުވަމުންނެވެ. އެގޮތުން އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދާއި ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް ޢުމަރު ވަނީ ރައީސް ޞާލިޙްގެ ޢާއިލާއަށް ތައުޒިޔާ ދަންނަވައި ހެޔޮ ދުއާ ރައްދުކުރާކަމަށެވެ. އަދި ރައީސް ޞާލިޙުގެ މަންމާފުޅުގެ ޖަނާޒާގެ އެންމެހައި ކަމެއް އިސްލާމީ މަރުކަޒުގައި ކުރިއަށްދާނެކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ވިދާޅުވިއެވެ.

إِنَّا لِلَّٰهِ وَإِنَّا إِلَيْهِ رَاجِعُونَ،

ރައީސް @ibusolih ގެ ލޮބުވެތި މަންމާފުޅު މޫމިނާ ޙުސެންފުޅު އަވަހާރާވި ޚަބަރު މިއަދު އަޅުގަނޑު އެހީ ނުހަނު އަސަރާއެކު އެވެ. މި ފުން ހިތާމައިގައި ބައިވެރިވެ ތަޢުޒިޔާ ދަންނަވަމެވެ. އަދި ރައީސް ޞާލިހުގެ ޢާއިލާގެ ހުރިހާ ބޭފުޅުންނަށް… pic.twitter.com/a04mY5dgDO

— Abdul Raheem Abdulla (@Banafsaa) July 18, 2024

މީގެ އިތުރުން އެމްޑީޕީގެ އިސް ބޭފުޅުންނާއި، އެމްޑީޕީގެ ކުރީގެ މެންބަރުންވެސް އަންނަނީ ރައީސް ޞާލިޙްގެ އާޢިލާއަށް ތަޢުޒިޔާ ފޮނުވަމުންނެވެ. އެގޮތުން ކުރީގެ ރައީސް މުޙައްމަދު ނަޝީދު ވަނީ ރައީސް ޞާލިހްގެ މަންމާފުޅަކީ އެމަނިކުފާނަށް ހެޔޮ ނަސޭހަތް ދެއްވި ބޭފުޅެއްކަން ފާހަގަކުރައްވާ އެކަމަނާ އަވަހާރަވުމުން އާއިލާއަށް ތަޢުޒިޔާ ވިދާޅުވެފައެވެ.

Alhugadu hayaathugai alhugadah enme heyo naseyhaith dhevvi ehaame gaiy eh beyfulhakee Raees @ibusolih ge mamma Moomina Hussain Fulhu. Niyaavumuge hithaamaiga aailaa ah ihlaastheri thauziya dhannvan. Maaiy Allah, marhooma ah suvaruge minvaru kuravvashi. Aameen

— Mohamed Nasheed (@MohamedNasheed) July 18, 2024

ކުރީގެ ރައީސް އަލްއުސްތާޛް މަޢޫމޫން ޢަބްދުލްޤައްޔޫމްވެސް ވަނީ ރައީސް ޞާލިހަށާއި އެމަނިކުފާނުގެ އާއިލާއަށް ތައުޒިޔާ ވިދާޅުވެފައެވެ.

Deeply saddened by passing of president Solih’s dear mother. May Allah bless her soul and grant her paradise! May He also give strength to her beloved family at this time of personal loss and grief!
إنا لله وإنا إليه راجعون

— Maumoon Abdul Gayoom (@maumoonagayoom) July 18, 2024

ރައީސް ޞާލިޙްގެ މަންމާފުޅު އަވަހާރަވީ އޭޑީކޭ ހޮސްޕިޓަލުގައި ފަރުވާދެމުން ގެންދަވަނިކޮށެވެ. އަވަހާރަވީއިރު ޢުމުރުފުޅަކީ 80 އަހަރެވެ.