މިހާރު ރާއްޖެއަށް ކުރަމުންދާ ވިއްސާރައާ ގުޅިގެން މެދު ރާއްޖެތެރޭގެ އަތޮޅުތަކަށް ޔެލޯ އެލާރޓް ނެރެފިއެވެ.
މޯލްޑިވްސް މީޓިރިއޮލޮޖިކަލް ސަރވިސް، މެޓް އޮފީހުން މިއެލާރޓް ނެރެފައިވަނީ މިއަދު ހެނދުނު 11:20 އިން ފެށިގެން މެންދުރުފަހު 14:30 ހަމައަށެވެ. މެޓް އޮފީހުން ބުނެފައިވަނީ މެދުރާއްޖޭގެ އަތޮޅުތަކަށް ގުގުރުމާއެކު ބޯކޮށް ވާރެވެހޭނެ ކަމަށް ލަފާ ކުރެވޭ ކަމަށެެވެ.
މިއަދު ހެނދުނު ދިހަ އަކުން މާދަމާ ހެނދުނު ދިހަ އަކަށް މެޓް އޮފީހުން މޫސުން ލަފާކުރާގޮތަށް ބާލާލާއިރު މެދުތެރެއާއި ދެކުނުގެ އެކިހިސާބަށް ވިއްސާރަކުރާނެ އަދި ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވާ ކަމަށާއި އުތުރުގެ ބައެއް އަތޮޅުތަކަށް ކެރީގެ އަސަރު ފޯރާނެކަމަށްވެސް މެޓް އޮފީހުން ބުނެއެވެ.
މީގެ އިތުރުން އުތުރުގައި ކަނޑުތައް އާދައިގެވަރަކަށް މަޑުވެ، އެހެންހިސާބުތަކުގެ ކަނޑުތައް އާދައިގެވަރަކަށް ގަދަވެފައި ވިލާގަޑުގައިވެސް ގަދަވާނެކަމަށް މެޓް އޮފީހުން ހާމަކުރެއެވެ.