ބީއެމްއެލް ލުއި ލޯނާއި އިސްލާމިކް ޕާސަނަލް ފައިނޭންސިންނަށް ޚާއްޞަ ޕްރޮމޯޝަނެއް

ބޭންކް އޮފް މޯލްޑިވްސް، ބީއެމްއެލް ލުއި ލޯނާއި އިސްލާމިކްގެ ޕާސަނަލް ފައިނޭންސިންނަށް އެދި ހުށަހަޅާ ކަސްޓަމަރުންނަށް އަމާޒުކޮށް 50،000 ރުފިޔާ ލިބޭ ހާއްސަ ޕްރޮމޯޝަނެއް ފަށައިފިއެވެ.

ޤައުމީ ބޭންކުން ބުނީ ހުށަހަޅާ އެޕްލިކޭޝަންތަކުގެ ތެރެއިން ޕްރޮމޯޝަންގެ މުއްދަތުގައި އެޕްރޫވަލް ލިބޭ ހުރިހާ އެޕްލިކޭޝަނެއް ވެސް ޕްރޮމޯޝަނުގައި ބައިވެރިކުރެވޭނެ ކަމުގައެވެ. އެ ޕްރޮމޯޝަން ކުރިއަށްދާނީ އަންނަ މާރޗް މަހުގެ 10 ވަނަ ދުވަހުގެ ނިޔަލަށެވެ.

ބީއެމްއެލުން ދޫކުރާ ލުއި ލޯނާއި އިސްލާމިކް ޕާސަނަލް ފައިނޭންސިން ވަގުތުން އެޕްރޫވްކޮށްދޭން ވެސް ވަނީ ނިންމާފައެވެ. އެއީ ދިވެހިރާއްޖޭގައި ލޯނާއި ފައިނޭންސް އެ ގޮތަށް އެޕްރޫވްކޮށްދޭ ފުރަތަމަ ފަހަރުކަމަށް އެ ބޭންކުން ވަނީ ބުނެފައެވެ.

މި ބަދަލާއެކު ޝަރުތުހަމަވާ ކަސްޓަމަރުންނަށް އިންޓަރނެޓް އަދި މޮބައިލް ބޭންކިންގ މެދުވެރިކޮށް ލޯނާއި ފައިނޭންސިންގ ލިބޭ އަދަދު ފެންނާނެއެވެ. އަދި އޮންލައިންކޮށް ހުށަހަޅެމުން ލޯނު އެޕްރޫވްކޮށް 4 ގަޑިއިރު ތެރޭގައި އެކައުންޓަށް ފައިސާ ޖަމާކޮށްދޭނެ ކަމަށް ބީއެމްއެލުން ބުނެއެވެ.