ބެޑްމިންޓަން އެކެޑަމީ އޮފް ނައިފަރުން އިންތިޒާމުކޮށްގެން ބޭއްވި ނައިފަރު އޯޕަން 2024 ބެޑްމިންޓަން މުބާރާތުގެ ފިރިހެން ސިންގަލްސް ޗެމްޕިއަންކަން މުމްތާޒް އިބްރާހީމް އަދި އަންހެން ސިންގަލްސް ޗެމްޕިއަންކަން އާމިނަތު އައިނީ އަޝްރަފް ހޯދައިފިއެވެ.
ނައިފަރުގައި ކާމިޔާބުކަމާއެކު ކުރިއަށްދިޔަ މި މުބާރާތުގެ ނިންމުމުގެ ރަސްމިއްޔާތު ޝަރަފްވެރިކޮށްދެއްވީ ކުޅިވަރާ ހަށިހެޔޮކަމާ ބެހޭ ވަޒީރު އަބްދުﷲ ރާފިއުގެ އިތުރުން އަތޮޅުގެ ބައެއް ރިސޯޓުތަކުގެ އިސް ވެރިންނާއި ރަށާއި އަތޮޅުގެ އިސް ބޭފުޅުން ބައިވެރިވެވަޑައިގެންނެވި އެވެ.
މުބާރާތުގެ ފިރިހެން ސިންގަލްސް ޗެމްޕިއަންކަން މުމްތާޒް ހޯދީ ފައިނަލުގައި އިބްރާހިމް ނާޝިތު ހަމްދީ ބަލިކޮށްގެންނެވެ. އަދި އަންހެން ސިންގަލްސް ޗެމްޕިއަންކަން މުބާރަތުގެ 15 އަހަރުން ދަށުގެ ސިންގަލްސް ޗެމްޕިއަންކަން ޗެސް ހޯދި އައިނީ ހޯދާފައިވަނީ ފައިނަލުގައި ސާރާ ޖަލާލް ބަލިކޮށްގެންނެވެ.
މުބާރާތުގައި ކުރިއަށްދިޔައީ ދެ ޑްރޯއަކަށެވެ. 19 އަހަރުން ދަށުގެ ޖޫނިއަރ ޑްރޯ ހުޅުވާލީ މުޅި ރާއްޖެއަށެވެ. އަދި މެއިން ޑްރޯ ހުޅުވާލީ ނޫނު، ރާ، ބާ އަދި ޅަވިޔަނި އަތޮޅުގެ ކުޅުންތެރިންނަށެވެ. ޖޫނިއަރ ޑްރޯގައި ކުރިއަށްދިޔައީ 11 އަހަރުން ދަށް، 13 އަހަރުން ދަށް، 15 އަހަރުން ދަށް، 17 އަހަރުން ދަށް، 19 އަހަރުން ދަށެވެ. ޖޫނިއަރ ޑްރޯގައި ސިންގަލްސް އަދި ޑަބަލްސް މެޗު ކުޅުނުއިރު. މި ޑްރޯގައި ހިމެނުނީ ސިންގަލްސް، ޑަބަލްސް އަދި މިކްސްޑް
ޑަބަލްސް މެޗުތަކެވެ.
މުބާރާތުގެ 11 އަހަރުން ދަށުގެ އަންހެން ޗެމްޕިއަންކަން އިލްޔާ އަލީ ފާއިޒް އަބްދުﷲ ހޯދިއިރު ފިރިހެން ސިންގަލްސް ޗެމްޕިއަންކަން ހޯދީ މާއިޝް މުހައްމަދެވެ. މީގެ އިތުރުން 13 އަހަރުން ދަށުގެ ފިރިހެން ޗެމްޕިއަންކަން އަހްމަދު އާކިލް މަސްއޫދު ހޯދިއިރު މި އުމުރުފުރާގެ އަންހެން ޗެމްޕިއަންކަން ހޯދީ ލައިބާ އަހްމަދު މަހްލޫފެވެ. އަދި މި އުމުރުފުރާގެ ފިރިހެން ޑަބަލްސް ޗެމްޕިއަންކަން މާއިޝް މުހައްމަދާއި މުހައްމަދު ކިޔާން އަންވަރު ހޯދިއިރު އަންހެން ޑަބަލްސް ޗެމްޕިއަންކަން ހޯދީ ސާރާ އައިނީ މުހައްމަދާއި ޔަޒާން ޔާސިރު މުހައްމަދުގެ ޕެއާ އެވެ.
މުބާރާތުގެ 15 އަހަރުން ދަށުގެ ފިރިހެން ސިންގަލްސް ޗެމްޕިއަންކަން ހޯދީ ކައިސް ބިން ހާމިދެވެ. މި އުމުރުފުރާގެ ފިރިހެން ޑަބަލްސް ޗެމްޕިއަންކަން ހޯދީ ކައިސް ބިން ހާމިދާއި މުހައްމަދު ޔާޒިން ޔާސިރެވެ. އަދި ޑަބަލްސްގެ އަންހެން ޗެމްޕިއަންކަން ހޯދީ މަރްޔަމް ރައޫމް ތޯހާ އާއި އަނާތު މޫސާގެ ޕެއާއެވެ. މީގެ އިތުރުން 17 އަހަރުން ދަށުގެ ފިރިހެން ޗެމްޕިއަންކަން އިބްރާހިމް ނާޝިތު ހަމްދީ ހޯދިއިރު އަންހެން ސިންގަލްސް ޗެމްޕިއަންކަން ހޯދީ އައިޝަތު ޔޫހާ އަހުމަދެވެ. އަދި 19 އަހަރުން ދަށުގެ ފިރިހެންޗެމްޕިއަންކަން ހޯދީ ހުސެއިން މައާޝް މުހައްމަދެވެ.
ނައިފަރު އޯޕަން 2024 ގައި ސިންގަލްސް އިވެންޓްތަކުގައި ސަތޭކަ ފަނަރަ ކުޅުންތެރިން ވާދަކޮށްފައިވެއެވެ. އަދި ޑަބަލްސް އިވެންޓްތަކުގައި 104 ކުޅުންތެރިން ވާދަކުރިއެވެ. ނޮކް-އައުޓް އުޞޫލުން ކުރިއަށްދިޔަ މި މުބާރާތުގެ ސިންގަލްސް އިވެންޓުތަކުގައި ސަތޭކަ ސޯޅަ މެޗް ކުޅެފައިވެއެވެ. އަދި ޑަބްލްސް އިވެންޓްތަކުގައި 69 މެޗު ކުޅެފައިވެއެވެ.