ކުވައިތުގެ ޢަމީރު ޝެއިޚް ނަވާފް އަލް އަޙްމަދު އަލް ޞަބާޙް އަވަހާރަވެއްޖެއެވެ. އެ މަނިކުފާނު އަވަހާރަވީ ޝެއިޚް ނަވާފުގެ ޢުމުރުފުޅަކީ 86 އަހަރެވެ.
އަލާސްކަންފުޅެއް ޖެހިގެން މިދިޔަ ނޮވެމްބަރު މަހުގެ ފަހުކޮޅު ޝެއިޚް ނަވާފް ވަނީ ހޮސްޕިޓަލަށް އެނދުމަތިކޮށްފައެވެ. ނަމަވެސް އެއީ ކޮން ކަހަލަ އާލާސްކަންފުޅެއް ކަމެއް ނޭނގެއެވެ. އޭގެ ފަހުން ޝެއިޚް ނަވާފުގެ އާލާސްކަންފުޅާ ބެހޭ މަޢުލޫމާތެއް ކުވައިތުން ހާމަކޮށްފައެއް ނުވެއެވެ. ކުވައިތުގެ ދަޢުލަތުގެ މީޑިއާއިން މީގެ ކުރިން ބުނެފައިވާ ގޮތުގައި ޝެއިޚް ނަވާފް ވަނީ 2021 ވަނަ އަހަރުގެ މާރިޗް މަހު ފަރުވާއަށް އެމެރިކާއަށް ވަޑައިގަންނަވައިފައެވެ. ނަމަވެސް އެއީ ކޮން ބައްޔެއް ކަމެއް ހާމަކޮށްފައެއް ނުވެއެވެ.
ޝައިޚް ނަވާފް ކުވައިތުގެ އަމީރުކަމުގެ ހުވާ ކުރެއްވީ ކުރީގެ ރައީސް އަލްމަރުޙޫމް ޝައިޚް ޞަބާޙް އަލް އަޙްމަދު އަލް ޞަބާޙް 2020 ވަނަ އަހަރު އަވަހާރަވުމުންނެވެ.
ޝެއިޚް ނަވާފް މީގެ ކުރިން އަދާކުރެއްވި މަޤާމުތަކުގެ ތެރޭގައި ކުވައިތުގެ ދިފާޢީ ވަޒީރުކަން ހިމެނެއެވެ.
ޝެއިޚް ނަވާފް އަވަހާރަވުމުން ކުވައިތުގެ އަމީރަކަށް ދެން ވަޑައިގަންނަވާނީ ޢުމުރުން 83 އަހަރުގެ ޝެއިޚް މިޝްޢާލް އަލް އަޙްމަދު އަލް ޖާބިރެވެ.
4.2 މިލިއަން މީހުންގެ އާބާދީއެއް އޮންނަ ކުވައިތަކީ ދުނިޔޭގެ ހަ ވަނައަށް އެންމެ ގިނައިން ތެޔޮ ހުރި ޤައުމަށެވެ.