ހައުސްޕްލާޒާގައި ހުޅުޖެހި ތުހުމަތުގައި ދެމީހަކު ހައްޔަރުކޮށްފި

މ.ހައުސްޕްލާޒާގައި ހިނގި އަލިފާނުގެ ހާދިސާ އާ ގުޅިގެން ދެމީހަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ. މ.ޝީ ބިލްޑިންގް ކުރިމަތީގައި ހުންނަ ހައުސްޕްލާޒާގައި އަލިފާނުގެ ހާދިސާ ހިނގާފައިވަނީ މިއަދު ހެނދު 11 ޖަހާކަން ހާއިރުއެވެ. މި ގޭގައި ހިނގި އަލިފާނުގެ ހާދިސާ ކޮންޓްރޯލްކޮށްފައިވާ ކަމަށް އެމްއެންޑީއެފް އިން ވިދާޅުވެއެވެ.

މިތަނުގައި ހުޅުޖެހިކަމުގެ ތުހުމަތުގައި ހައްޔަރުކޮށްފައިވަނީ މިހާދިސާ ހިނގި ވަގުތު އެއިމާރާތު ތެރޭގައި ތިބި ދެމީހުންނެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައެއްނުވެއެވެ.

ފުލުހުންބުނީ މިހާދިސާ ތަޙްޤީގް ކުރުމުގެ މަސައްކަތް މިހާރު ކުރަމުންދާކަމަށެވެ.