އަންހެނުންގެ ވޯލްޑްކަޕުގެ އިނާމުދިނުމުގެ ރަސްމިއްޔާތުގެ ތެރެއިން ސްޕެއިންގެ އަންހެން ކުޅުންތެރިއަކަށް އިހްތިރާމުކުޑަކޮށް އަމަލުކުރުމުގެ ސަބަބުން ދުނިޔޭގެ ފުޓުބޯޅައިގެ މައި އިދާރާއިން ސްޕެއިންގެ ފުޓުބޯޅަ ފެޑެރޭޝަނުގެ ރައީސް ރުބިއާލޭސްއަށް ފިޔަވަޅުއަޅައިފި އެވެ.
ސްޕެއިންގެ ގައުމީ ޓީމްގެ ފޯވާޑް ޖެނީއަށް އިހްތިރާމުކުޑަކޮށް އާންމުންގެ ކުރިމަތީގައި އަމަލުކުރި ގޮތުގެ ސަބަބުން އޭނާއަށް ގިނަ ބައެއްގެ ފާޑުކިޔުން އަމާޒުވިއެވެ. މީގެތެރޭގައި ސްޕެއިން އަންހެން ޤައުމީ ޓީމުގެ ކުޅުންތެރިންނާއި ދުނިޔޭގެ އެކި ކަންކޮޅުތަކުގެ އަންހެން ފުޓުބޯޅަ ކުޅުންތެރިންނާއި ކޯޗުން ހިމެނެއެވެ.
މިކަމާއި ގުޅިގެން ގިނަ ބަޔަކު ދަނީ ރުބިއާލޭސްގެ އިސްތިއުފާއަށްވެސް ގޮވަމުންނެވެ. އަދި މި މައްސަލަ ފީފާގެ ޑިސިޕްލިނަރީ ކޮމިޓީން ބަލަމުން އަންނަ ކަމަށްވެސް ފީފާއިން ބުނެއެވެ. ރުބިއާލޭސް ހުރީ މި މައްސަލައިގައި އަދި އިސްތިއުފާދޭ ގޮތަކަށް ނޫނެވެ.
މި މައްސަލައިގައި ސްޕެއިންގެ 81 ކުޅުންތެރިއަކި ވަނީ ޤައުމީ ޓީމަށް ނުކުޅޭނެކަން ހާމަކޮށްފައެވެ. އަދި ސްޕެއިންގެ ގައުމީ ޓީމްގެ ކޯޗު ފިޔަވައި ކޯޗިން ޓީމްގައި ހިމެނޭ ހުރިހާ މެންބަރުން ވަނީ ގައުމީ ޓީމުން ވަކިވާން ނިންމާފައެވެ.