ޔޫރަޕުގެ ތިންވަނަ ފަންތީގެ ކުލަބު މުބާރާތް ޔުއެފާ ޔޫރޮޕާ ކޮންފަރެންސް ލީގުގެ ޕްލޭއޮފް ފުރަތަމަ ލެގުގައި ސްކޮޓްލަންޑުގެ ހިބާނިއަން ވާދަކުރި މެޗު 5-0 ގެ ނަތީޖާއަކުން އިނގިރޭސި ކުލަބު އެސްޓަން ވިލާއިން ކާމިޔާބުކޮށްފިއެވެ.
ސްކޮޓްލޭންޑުގެ އެޑިންބާގްގައި ކުޅުނު މެޗުގެ ގިނައިރު ބޯޅަ ގެންގުޅެ ގިނަ ހަމަލާ އުފައްދާފައިވަނީ އެސްޓަންވިލާއިންނެވެ. މެޗުގެ ފުރަތަމަ ލަނޑު ވިލާގެ އޮލީ ވޮޓްކިންސް ކާމިޔާބުކުރީ މެޗުގެ 17 ވަނަ މިނެޓުގައެވެ. ދެވަނަ ލަނޑު އޭނާ ކާމިޔާބުކުރީ 33 ވަނަ މިނެޓުގައެވެ.
ފުރަތަމަ ހާފް ނިމުމުގެ ކުރިން މެޗުގެ 42 ވަނަ މިނިޓުގައި ވިލާގެ ތިންވަނަ ލަނޑު ކާމިޔާބުކުރީ ލިއޯން ބައިލޭއެވެ. ވަންޓިކްސްގެ ހެޓްރިކް އޭނާ ފުރިހަމަކުރީ މެޗުގެ ދެވަނަ ހާފް ފަށައިގެން ތިންވަނަ މިނެޓުގައެވެ. ވިލާގެ ފަސްވަނަ ލަނޑަކީ މެޗުގެ 74 ވަނަ މިނިޓުގައި ލިބުނު ޕެނަލްޓީއަކުން ޑަގްލަސް ލުއިޒް ކާމިޔާބުކުރި ލަނޑެވެ.
ޕްލޭއޮފްގެ ދެވަނަ ލެގު އޮންނާނީ އަންނަ ބުރާސްފަތި ދުވަހުގެ އެސްޓަން ވިލާގެ ވިލާ ޕާކުގައެވެ. މިއީ 13 އަހަރު ފަހުން ވިލާއިން ޔޫރަޕުގެ މުބާރާތެއްގައި ކުޅޭ ފުރަތަމަ ފަހަރެވެ.