ފީފާ ވިމެންސް ވޯލްޑް ކަޕުގެ އެންމެ ފަހުގެ ޗެމްޕިއަން އެމެރިކާ ކަޓުވާލުމަށްފަހު, މުބާރާތުގެ ކުއާޓާ ފައިނަލަށް ސްވިޑަން ދަތުރުކޮށްފިއެވެ.
މި ފަހަރުގެ މުބާރާތުގެ ގަދަ 16 ބުރުން ސްވިޑެން އަތުން ކަޓައިފި އެވެ.މުބާރާތުގެ ގަދަ 16 ބުރުގައި ވާދަކޮށް ސްވިޑެން އިން އެމެރިކާ ބަލިކުރީ މެޗު ލަނޑެއް ނުޖެހި އެއްވަރުވެ، ޕެނަލްޓީ ޖަހައިގެން 5-4 އިންނެވެ.
ޕެނަލްޓީގައި ސްވިޑެން އިން ފޮނުވާލި ހަތް ޕެނަލްޓީގެ ތެރެއިން ފަސް ޕެނަލްޓީ ވަނީ ކާމިޔާބުކޮށްފަ އެވެ. އެމެރިކާ އިން ޖެހި ހަތް ޕެނަލްޓީގެ ތެރެއިން ހަތަރު ޕެނަލްޓީ ކާމިޔާބުކުރިއިރު، ތިން ޕެނަލްޓީ ވަނީ ނާކާމިޔާބުވިއެވެ.
އަންހެން ފުޓުބޯޅާގައި ރަސްކަންކޮށް ހަތަރު ފަހަރު ދުނިޔޭގެ ތަށި އުފުލާފައިވާ އެމެރިކާއަށް މިއީ ލަދުވެތި ނަތީޖާއެކެވެ. މީގެތެރޭގައި 2015 އާއި 2019 ވަނަ އަހަރު މި މުބާރާތުގެ ޗެމްޕިއަންކަން ހޯދުން ހިމެނެއެވެ.
މީގެއިތުރުން ގަދަ 16 ބުރުގައި ދެކުނު އެފްރިކާ އަތުން 2-0 އިން ނެދަލެންޑްސް މޮޅުވެ، ވަނީ ކުއާޓާ ފައިނަލުން ފުރުސަތު ހޯދައިފަ އެވެ.