ދިވެހި ފުޓްބޯޅައިގެ ހާލަތު ބަދަލުކުރުމަށް އުފެއްދި "ސޭވް އެފްއޭއެމް" ހަރަކާތުގައި ބައިވެރިވުމަށް ދަޢުވަތެއް ނުދޭ ކަމަށާއި، ދަޢުވަތު ދިންނަމަ އެކަމާ މެދު ވިސްނާނެ ކަމަށް ޤައުމީ ފުޓްބޯޅަ ޓީމުގެ ކޯޗުކަމާ ހަވާލުވާން ހަމަޖެހިފައިވާ ތަޖުރިބާކާރު ކޯޗު އަލީ ސުޒެއިން ބުނެފިއެވެ.
ޓީވީއެމުން ގެނެސްދިން "ކުޅިވަރު ވިންދު" ޕްރޮގްރާމުގައި ވާހަކަދައްކަމުން ސުޒެއިން ބުނީ ފުޓްބޯޅައިގައި މި ވަގުތު ހުރިކަންކަން ރަނގަޅުކުރުމަށް ބަލާއިރު ވަރަށް ރަނގަޅު ފެށުމަކުން ފަށަން ޖެހޭ ކަމަށާއި، އެކަމަކު އެ ހަރަކާތް އަދި ފެންނަނީ އެހާ ރަނގަޅު ގޮތަކަށް ނޫން ކަމަށެވެ. އަދި ފުޓްބޯޅައިގެ އެވަރުގެ ހަރަކާތެއް ކުރިއަށްދާއިރު އޭނާއަށް ދަޢުވަތު ނުދިނީ، އޭނާގެ 36 އަހަރުގެ ފުޓްބޯޅަ ކެރިއަރުގައި އެވަރު ނެތެގިން ނުނީ ހަނދާން ނެތުމުން ކަމަށް ވެދާނެ ކަމަށްވެސް ވަނީ ބުނެފައެވެ.
ސުޒެއިން ބުނީ އެ ހަރަކާތުގެ ނިޔަތާ މެދު އެއްވެސް ސުވާލެއް ނެތް ކަމަށާއި، ރާއްޖޭގެ ފުޓްބޯޅައަށް ހެވެއް އެދޭނަމަ އެ ހަރާކާތުންވެސް ފުރަތަމަ ޑިވިޝަނުގެ ކުލަބަތަކާއެކު ފުރަތަމަ މަޝްވަރާކުރަން ޖެހޭ ކަމަށެވެ. ސުޒެއިން ބުނީ އެ ހަރަކާތުގައި މަޝްވަރާކޮށްގެން ހައްލު ހޯދޭނެ ޤާބިލު ބޭފުޅުން އެބަތިބި ކަމަށެވެ. އަދި "ސޭވް އެފްއޭއެމް" ހަރަކާތުގެ ލޯގޯއަށް އިޝާރާތްކޮށް ސުޒެއިން ބުނީ އެ ލޯގޯއިންވެސް ފެންނަނީ ފުޓްބޯޅައިގެ ތަންކޮޅެއް ދުރު ވިސްނުމެއް ގޮތަށް ކަމަށެވެ.
"އެ ބޭފުޅުންނަށް އެނގޭނީ އެ ބޭފުޅުން ހަރަކާތް ގެންދަވާނެ ގޮތެއް. ވަރަށް އެގްރެސިވް ގޮތަކަށް ލޯގޯވެސް އަޅުގަނޑަށް ފެންނަނީ. އަޅުގަނޑަށް ހިތަށް އަރަނިީ ރެސްލިން ކަހަލަ އެގްރެސިވް އެއްޗެއް ގޮތަށް.ތަޖުރިބާކާރު ކޯޗު އަލީ ސުޒެއިން
ފުޓްބޯޅައަށް އިޚުލާސްތެރި ނިޔަތަކާއެކު މަސައްކަތް ކުރާނަމަ އެފްއޭއެމްވެސް އަދި ކުލަބަތަކުންވެސް އެ ކަމަކަށް ހުރަހެއް ނާޅާނެ ކަމަށް ސުޒެއިން ވަނީ ބުނެފައެވެ. "ސޭވް އެފްއޭއެމް" ހަރަކާތުން އަންނަނީ ފުޓްބޯޅައިގައި ހުރި މައްސަލަތަކާ ގުޅޭގޮތުން ޤައުމީ ކޮންފަރެންސެއް ބާއްވަން މަސައްކަތް ކުރަމުންނެވެ.