އަންނަ މަހު މަޑަގަސްކަރާގައި ބާއްވާ އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގެ ކުރިން މޮރިޝަސް ބެޑްމިންޓަން ޗެލެންޖުގައި ވާދަކުރުމަށް ޤައުމީ ބެޑްމިންޓަން ޓީމު ފުރައިފިއެވެ.
މީގެކުރިންވެސް މި މުބާރާތުގައި ރާއްޖެއިން ކާމިޔާބީތަކެއް ހޯދާފައިވެއެވެ. މިއަހަރުގެ މުބާރާތަށް ފުރިި ބެޑްމިންޓަން ޓީމުގައި ހިމެނޭ ފިރިހެން ކުޅުންތެރިންނަކީ އަހަރުގެ ގައުމީ މުބާރާތުގެ އެންމެ ކާމިޔާބު ކުޅުންތެރިޔާ، ހުސައިން ޒަޔާން ޝަހީދު ޒަކީގެ އިތުރުން މުޙައްމަދު އަޖުފާން ރަޝީދާއި ނިބާލް އަހުމަދު އަދި އަޙްމަދު ތޯއިފްއެވެ.
އަންހެން ކުޅުންތެރިންގެ ތެރޭގައި ހިމެނެނީ އައިޝަތު އަފްނާން ރަޝީދާއި ފާތިމަތު ނަބާހާ އަބްދުއްރައްޒާގް، އާމިނަތު ނަބީހާ އަބްދުއްރައްޒާގް، އާމިނަތު ޝަހުރުނާޒް، އަދި މައިސާ ފަތުހުﷲ އިސްމާއިލެވެ.
ޤައުމީ ބެޑްމިންޓަން ސްކޮޑް އެކުލަވާލައި ތަމްރީނުތައް ފެށިގެން ކުރިއަށްގެންދަނީ، އިންޑިއަން އޯޝަން އައިލެންޑް ގޭމްސް 2023 އަދި އޭޝިއަން ގޭމްސް އަށް ޚާއްޞަކޮށް ރާއްޖެ ގަނައި ސައުތް ކޮރެއާގެ ހައި ޕާފޯމަންސް ކޯޗުގެ ބެލުމުގެ ދަށުންނެވެ. މި އަހަރުގެ ސެޕްޓެމްބަރު މަހުގެ ނިޔަލަށް، ދެކުނު ކޮރެއާ ކޯޗުގެ ބެލުމުގެ ދަށުން ތަމްރީނުތައް ކުރިއަށް ގެންދާނެއެވެ.