އެމްޑަބްލިއުއެސްސީ ދިވެހި ޕްރިމިއަރ ލީގުގައި ކުރިއަށްދާން ބޭނުންކަމުގައި ވާނަމަ، އެއް ގިޔަރު މައްޗަށް ޖައްސަން ޖެހޭ ކަމަށް ކުލަބު ގްރީން ސްޓްރީޓްސްގެ ކޯޗު އަލީ ނިސްތާރު މުޙައްމަދު ބުނެފިއެވެ.
ލީގުގައި އެންމެ ފަހުން ބުރު ސްޕޯޓްސް ކުލަބު އަތުން ބަލިވި މެޗަށް ފަހު ވާހަދައްކަމުން ނިސްތާރު ބުނީ އެއްގޮތަކަށްވެސް ނަތީޖާ މެދު ހިތްހަމަނުޖެހޭ ކަމަށެވެ. އެކަމަކު މެޗުގައި ކުޅުންތެރިން ކުރި މަސައްކަތް ނިސްތާރު ވަނީ މެޗަށްފަހު ފާހަގަކޮށްފައެވެ.
ނިސްތާރު ބުނީ ޖުމްލަކޮށް ނަތީޖާއާ މެދު ހިތްހަމަ ނުޖެހޭ ކަމަށާއި، އެކަމަކު ބުރު ސްޕޯޓްސްއާ ދެކޮޅަށް ކުޅުނު މެޗުގައި ކުޅުންތެރިން ވަރަށް ހިތްވަރުކުރި ކަމަށެވެ.
ބުރު ސްޕޯޓްސް އަތުން ގްރީން ސްޓްރީޓްސް ބަލިވީ 3-0 ގެ ނަތީޖާއަކުންނެވެ. އެ މެޗުން ބަލިވުމާއެކު ގްރީން ސްޓްރީޓްސް ވަނީ ތާވަލުގެ ހަތްވަނައަށް ވެއްޓިފައެވެ. ލީގުގެ ގްރީން ސްޓްރީޓްސްއިން އަންނަ ބުރާސްފަތި ދުވަހުގެރޭ ނުކުންނާނީ ޓީސީ ސްޕޯޓްސް ކުލަބާ ދެކޮޅަށެވެ.