އެމްޑަބްލިއުއެސްސީ ދިވެހި ޕްރިމިއަރ ލީގުގެ ކުޅުން މި ހަފުތާގައި ފެށިއިރު، ބުރު ސްޕޯޓްސް ކުލަބަށް ދިމާވި އެންމެ ބޮޑު ޗެލެންޖަކީ ލިބުނު ބްރޭކުގައި ޕްރެކްޓިސް މެޗުތަކެއް ނުލިބުން ކަމަށް އެ ޓީމުގެ ކޯޗު މުޙައްމަދު ނިޒާމް (ނިޒާމްބެ) ބުނެފިއެވެ.
ލީގުގައި ކުލަބު ގްރީން ސްޓްރީޓްސް އަތުން މޮޅުވި މެޗަށްފަހު ވާހަކަދައްކަމުން ނިޒާމްބެ ބުނީ މެޗުން މޮޅުވަމަކީ ލިބިގެންދިޔަ ވަރަށް ބޮޑު ހިތްހަމަޖެހުމެއް ކަމަށެވެ. އަދި ދިގު ބްރޭކެކަށް ފަހު ކުޅުނު ފުރަތަމަ މެޗުން މޮޅުވުމުގެ މުހިންމުކަން ނިޒާމްބެ ވަނީ ފާހަގަކޮށްފައެވެ.
ނިޒާމްބެ ބުނީ މެޗުން މޮޅުވި ނަމަވެސް ޓީމުގެ ފަރާތުން ރަނގަޅުކުރަން ޖެހޭ ވަރަށް ގިނަ ކަންކަން ފާހަގަކުރެވުނު ކަމަށެވެ. އަދި ބްރޭކަށްފަހު އެނބުރި އައިސް ކުޅޭ ފުރަތަމަ މެޗުގައި އެންމެ ރަނަގަޅު ފޯމުގައި އޮންނަ ޓީމަށްވެސް ކުޅެން ދަތިވާނެ ކަމަށާއި، މިއީ އެގޮަތަށް ބަލާއިރު ހޯދުނު މުހިންމު ތިން ޕޮއިންޓު ކަމަށްވެސް ވަނީ ބުނެފައެވެ.
ގްރީން ސްޓްރީޓްސް އަތުން ހޯދި މޮޅާއެކު ބުރު ސްޕޯޓްސް ވަނީ ނުވަ ޕޮއިންޓް ހަމަކޮށް ތާވަލުގެ ތިންވަނައަށް ކުރިއަށް ޖެހިލާފައެވެ.