މާލޭގެ ގެއެއްގެ ތެރޭގައި ރަހީނުކޮށްފައި ތިބި ބަޔަކު، ބާރުގެ ބޭނުންކޮށްގެން ސަލާމަތްކޮށްފިއެވެ.
ފުލުހުން ވިދާޅުވީ ހެންވޭރު އަބަދަށްއުފާ މަގުގައި ހުރި ގެއެއްގެ ތެރޭގައި ބަޔަކު ރަހީނުކޮށްގެ ގެންގުޅޭކަމުގެ މަޢުލޫމާތު ލިބުމާއި ގުޅިގެން، ފުލުހުން އެތަނަށް ގޮސް ބާރުގެ ބޭނުންކޮށްގެން އެތަނަށްވަދެ ރަހީނުކޮށްފައި ތިބި 3 ފިރިހެނުން ސަލާމަތްކޮށްފައިވާ ކަމަށެވެ.
ފުލުހުން ވިދާޅުވީ ރަހީނުކޮށްފައިތިބި 3 މީހުންނަށްވެސް އެކިވަރުގެ އަނިޔާތައްކޮށްފައިވާ ކަމަށެވެ. މިމީހުން ޑޮކްޓަރަށް ދެއްކުމަށްވަނީ އިންދިރާ ގާނދީ މެމޯރިއަލް ހޮސްޕިޓަލަށް ގެންގޮސްފައެވެ.
މިމައްސަލައާއި ގުޅިގެން ފުލުހުންވަނީ ދިވެހި ފިރިހެނަކާއި، 18 އަހަރުން ދަށުގެ ކުޑަ ފިރިހެން ކުއްޖަކު ފުލުހުންގެ ބެލުމުގެ ދަށަށް ގެންގޮސްފައެވެ. މިމައްސަލަ މިހާރު ފުލުހުން އަންނަނީ ތަޙުގީގުކުރައްވަމުންނެވެ.