ޖަރުމަން ލީގުގެ އާރްބީ ލައިޕްޒީގަށް ކުޅެމުން އައި ކޮންރަޑް ލެއިމާ، އެ ލީގުގެ ޗެމްޕިއަން ބަޔާން މިއުނިކަށް ސޮއިކޮށްފިއެވެ.
މައުލޫމާތު ލިބިފައިވާ ގޮތުގައި އޭނާ ބަޔޭނަށް ބަދަލުވެފައިވަނީ ހިލޭ ޓްރާންސްފާއެއްގެ ދަށުންނެވެ. ލެއިމާ ބަޔޭނަށް ސޮއި ކޮށްފައިވަނީ ހަތަރު އަހަރު ދުވަހުގެ އެއްބަސްވުމެއްގެ ދަށުންނެވެ. އަދި އޭނާ ވަނީ މިފަހަރުގެ ޖަރުމަން ކަޕް ލައިޕްޒީގަށް ކާމިޔާބުކޮށްދިނުމަށްފަހު އެކަން ހާމަކޮށްފައެވެ.
އުމުރުން 26 އަހަރުގެ ލެއިމާ ވަނީ 2017 ވަނަ އަހަރު ރެޑްބުލް ސާލްޒްބާގުން ލައިޕްޒީގަށް ބަދަލުވިފަހުން މިހާތަނަށް 190 މެޗް ކުޅެދީފައެވެ. ލެއިމަރ ހާމަކުރިގޮތުގައި މިއީ ހުވަފެނެއް ހަގީގަތަކަށް ވުން ކަމަށެވެ. އަދި ބަޔާނަކީ އޭނާ ބޭނުންވާހެން އަބަދުވެސް ކާމިޔާބީ ހޯދާ ކްލަބެއް ކަމަށާއި, އަދި މިބަދަލުވެވުނީ ރަނގަޅު ކުލަބަކަށް ކަމަށްވެސް ވަނީ ބުނެފައެވެ.
މިސީޒަންގައި ބަޔާނާއި ލިޕްޒިގް އެންމެ ފަހުން ބައްދަލުކުރި މެޗް ލައިޕްޒީގުން ކާމިޔާބުކުރުމާއެކު ބަޔާނަށް ސީޒަނުގެ ތަށި ގެންލިދާނެކަމުގެ ބިރު ހީވެގެންދިޔަ ނަމަވެސް، އެންމެ ފަހު މެޗް ކާމިޔާބުކޮށް އެ ޓީމުން ވަނީ ލީގުގެ ތަށި ޖެހިޖެހިގެން 11 ވަނަ ފަހަރަށް ކާމިޔާބުކޮށްފައެވެ. އަދި ބަޔާން ސީޒަން ނިންމާލީ ތިންވަނައަށް ދިޔަ ލައިޕްޒީގަށް ވުރެ ފަސް ޕޮއިންޓް ކުރީގައި އޮވެގެންނެވެ.